ഞങ്ങൾ ടീം ഇന്ത്യ വളർച്ചയിലാണ്…! ഈ വർഷം നീലപ്പട കളിക്കുന്നത് ഡസനിലധികം ടൂർണമെന്റുകളിൽ; സെപ്റ്റംബറിൽ മാത്രം നാല് രാജ്യങ്ങളിൽ പന്ത് തട്ടും

ചരിത്രത്തിലെ ഇതുവരെയില്ലാത്ത തിരക്കിലേക്കാണ് ഇന്ത്യൻ ഫുട്‌ബോൾ ടീം നടന്നുകയറുന്നത്. 2023 സെപ്തംബറിൽ ഏഷ്യയിലുടനീളമുള്ള നാല് രാജ്യങ്ങളിലായി ഏഴ് വ്യത്യസ്ത ടൂർണമെന്റുകളിൽ ദേശീയ ടീമുകൾ മത്സരിക്കും. പുരുഷന്മാരുടെ സീനിയർ, അണ്ടർ 23, അണ്ടർ 19, അണ്ടർ 16, വനിതാ സീനിയർ, അണ്ടർ 17 ടീമുകളാണ് മത്സരങ്ങളിൽ പങ്കെടുക്കുക. സെപ്തംബർ 21ന് ഇന്ത്യൻ ഫുട്‌ബോൾ കലണ്ടറിലെ ഏറ്റവും തിരക്കേറിയ ദിവസമായിരിക്കും. നാല് മത്സരങ്ങളിലാണ് ആ ദിവസം ഇന്ത്യൻ ടീം പന്തുതട്ടുക. ഏഷ്യൻ ഗെയിംസിൽ യഥാക്രമം ബംഗ്ലാദേശിനെതിരെയും ചൈനീസ് തായ്പേയ്‌ക്കെതിരെയും ഇന്ത്യൻ പുരുഷന്മാരും സ്ത്രീകളും മത്സരിക്കും. നേപ്പാളിൽ നടക്കുന്ന സാഫ് അണ്ടർ 19 ചാമ്പ്യൻഷിപ്പിൽ ബംഗ്ലാദേശിനെതിരെ പുരുഷൻമാരുടെ ടീമും, അണ്ടർ 17 വനിതാ ടീം അണ്ടർ 17 വനിതാ ഏഷ്യൻ കപ്പ് യോഗ്യതാ മത്സരത്തിൽ തായ്ലൻഡിനെതിരെയും മത്സരിക്കും.

സെപ്റ്റംബറിലെ ഇന്ത്യയുടെ മത്സരങ്ങൾ

സെപ്റ്റംബർ 1-10 വരെ സാഫ് അണ്ടർ 16 പുരുഷ ചാമ്പ്യൻഷിപ്പ്
സെപ്റ്റംബർ 6-12 വരെ അണ്ടർ 23 പുരുഷ ഏഷ്യൻ കപ്പ് യോഗ്യതാ റൗണ്ട്
സെപ്റ്റംബർ 7- 10 വരെ കിംഗ്‌സ് കപ്പ്
സെപ്റ്റംബർ 19-23 വരെ അണ്ടർ 17 വനിതാ ഏഷ്യൻ കപ്പ്
സെപ്റ്റംബർ 21-30 വരെ സാഫ് അണ്ടർ 19 പുരുഷ ചാമ്പ്യൻഷിപ്പ്
സെപ്റ്റംബർ 19 മുതൽ ഒക്ടോബർ 7 വരെ ഏഷ്യൻ ഗെയിംസ്
ഒക്ടോബർ 13ന് മെർദേക്ക ചാമ്പ്യൻഷിപ്പ്