തിരുവനന്തപുരം: മേയര്‍ ആര്യ രാജേന്ദ്രനും സച്ചിന്‍ ദേവ് എംഎല്എയ്ക്കും കുഞ്ഞ് ജനിച്ചു. തിരുവനന്തപുരത്തെ എസ്എടി ആശുപത്രിയില്‍ ഇന്ന് രാവിലെയാണ് ആര്യ പെണ്‍ കുഞ്ഞിന് ജന്മം നല്‍കിയത്. അമ്മയും കുഞ്ഞും സുഖമായിരിക്കുന്നുവെന്ന് ആര്യയുടെ പിതാവ് അറിയിച്ചു.
2022 സെപ്തംബര്‍ നാലിന് തിരുവനന്തപുരത്തെ എകെജി ഹാളിലാണ് ബാലുശേരി എംഎല്‍എ കെ.എം സച്ചിന്‍ദേവും ആര്യയും വിവാഹിതരായത്. കോഴിക്കോട് നെല്ലിക്കോട് സ്വദേശിയായ സച്ചിന്‍ദേവ് എസ്.എഫ്.ഐ സംസ്ഥാന സെക്രട്ടറി ആയിരിക്കെയാണ് ബാലുശേരി മണ്ഡലത്തില്‍ നിന്ന് വിജയിച്ചത്.
സിപിഎം കോഴിക്കോട് ജില്ലാ കമ്മിറ്റിയംഗമാണ്. ആള്‍ സെയിന്റ്‌സ് കോളജില്‍ പഠിക്കുമ്പോള്‍ 21-ാം വയസിലാണ് ആര്യ രാജേന്ദ്രന്‍ മേയറാകുന്നത്. രാജ്യത്തെ ഏറ്റവും പ്രായം കുറഞ്ഞ മേയര്‍ കൂടിയാണ് ആര്യ. ഇവരുടെ വിവാഹത്തിന് മുഖ്യമന്ത്രി അടക്കമുള്ളവര്‍ പങ്കെടുത്തിരുന്നു.
Comments