ദുബായ് എമിറേറ്റിലെ സ്വകാര്യ സ്‌കൂളുകൾ ഓഗസ്റ്റ് 28ന് തുറക്കും; വാർഷിക കലണ്ടറും പുറത്തുവിട്ട് അധികൃതർ

ദുബായ്: ദുബായ് എമിറേറ്റിലെ സ്വകാര്യ സ്‌കൂളുകൾ 2023-24 അക്കാദമിക് വർഷത്തിനായി ഓഗസ്റ്റ് 28ന് തുറക്കും. ദുബായിലെ സ്വകാര്യ സ്‌കൂൾ സംവിധാനങ്ങളെ നിയന്ത്രിക്കുന്ന നോളജ് ആൻഡ് ഹ്യൂമൻ ഡെവലപ്‌മെൻറ് അതോറിറ്റിയാണ് ഇക്കാര്യം അറിയിച്ചത്.

ഇതോടൊപ്പം സ്‌കൂളുകൾ നടപ്പിലാക്കേണ്ട വാർഷിക കലണ്ടറും അധികൃതർ പുറത്തുവിട്ടിട്ടുണ്ട്. എന്നാൽ ഏപ്രിലിൽ ആരംഭിക്കുന്ന സ്‌കൂളുകൾക്കും സെപ്റ്റംബറിൽ ആരംഭിക്കുന്നവക്കും ഇക്കാര്യത്തിൽ ചെറിയ വ്യത്യാസമുണ്ടായിരിക്കും.

പുതിയ കലണ്ടർപ്രകാരം ശൈത്യകാല അവധി ആരംഭിക്കുന്നത് ഡിസംബർ ഒമ്പതിനാണ്. അവധി കഴിഞ്ഞ് ജനുവരി രണ്ടിന് സ്‌കൂളുകൾ വീണ്ടും തുറക്കും. വസന്തകാല അവധി മാർച്ച് 25-നാണ് ആരംഭിക്കുന്നത്. ഏപ്രിൽ 15-ന് അവധി കഴിഞ്ഞ് വീണ്ടും സ്‌കൂളുകൾ തുറക്കും. ജൂൺ 28-ഓടെയാണ് അക്കാദമിക് വർഷം അവസാനിക്കുക