ഇന്ത്യയുടെ അഭിമാനം ചന്ദ്രനിലെത്തിയ സുവർണ നിമിഷത്തിന്റെ സന്തോഷത്തിലാണ് ഓരോ പൗരനും. രാജ്യത്തിനകത്ത് നിന്നും പുറത്ത് നിന്നും അഭിനന്ദന പ്രവാഹമാണ് ഐഎസ്ആർഒയെ തേടിയെത്തുന്നത്. സിനിമാ സംസ്‌കാരിക മേഖലയിലെ നിരവധി പേരാണ് ചന്ദ്രയാൻ ദൗത്യത്തിന് അഭിനന്ദനമറിയിച്ചത്.
ദക്ഷിണധ്രുവം മനുഷ്യരാശിക്കായി തുറക്കുന്നുവെന്നായിരുന്നു മലയാളത്തിന്റെ നടന വിസ്മയം മോഹൻലാലിന്റെ പ്രതികരണം. “ചന്ദ്രന്റെ ദക്ഷിണധ്രുവത്തിൽ ചരിത്രമെഴുതാൻ ചന്ദ്രയാൻ 3-ന് പിന്നിൽ പ്രവർത്തിച്ച ഓരോരുത്തർക്കും അഭിനന്ദനം. ഓരോ ശാസ്ത്രജ്ഞർക്കും സാങ്കേതിക വിദഗ്ധർക്കും സ്റ്റാഫ് അംഗങ്ങൾക്കും അഭിനന്ദനങ്ങൾ. സ്ഥിരോത്സാഹവും നൂതനവിദ്യകളുമാണ് രാജ്യത്തെ അഭിമാനം കൊള്ളിച്ചത്. ഇതാണ് അത്ഭുതപ്പെടുത്തുന്ന കാര്യം”-മോഹൻലാൽ കുറിച്ചു.
അഭിമാന നിമിഷത്തിൽ രാജ്യത്തിനൊപ്പം പങ്കുച്ചേരുന്നുവെന്നാണ് മമ്മൂട്ടി കുറിച്ചത്. ഈ ചരിത്രപരമായ നിമിഷത്തിൽ ഇതിന് പിന്നിൽ പ്രവർത്തിച്ച ഓരോരുത്തർക്കും അഭിനന്ദനങ്ങൾ. ഈ നിമിഷത്തിൽ രാജ്യത്തിനൊപ്പം പങ്കുച്ചേരുന്നുവെന്നും അദ്ദേഹം സമൂഹമാദ്ധ്യമത്തിൽ കുറിച്ചു.
Comments