ലോകചെസ് ചാമ്പ്യൻഷിപ്പിലേക്കാണ് ഇന്ത്യ ഉറ്റുനോക്കുന്നത്. മാഗ്നസ് കാൾസണെതിരെ ഇന്ത്യയുടെ പ്രജ്ഞാനന്ദ പ്രതിരോധം തീർത്ത് വിജയിക്കുമെന്നാണ് ഭാരതീയർ പ്രതീക്ഷിക്കുന്നത്. ആദ്യ രണ്ട് മത്സരങ്ങളും സമനിലയിൽ കലാശിച്ചതോടെയാണ് ലോകചാമ്പ്യനെ അറിയാൻ മത്സരം ടൈബ്രേക്കറിൽ കലാശിച്ചത്. എന്നാൽ ടൈബ്രേക്കറെന്തെന്ന് അറിയാത്തവരാണ് ഏറെയും. എന്താണ് ട്രൈബേക്കറെന്ന് നോക്കാം,
ക്ലാസിക്കൽ ഫോർമാറ്റിലായിരുന്നു ഇതുവരെയുളള രണ്ട് മത്സരങ്ങൾ നടന്നത്. 40 നീക്കങ്ങൾക്കായി 90 മിനിറ്റ് സമയമാണ് ക്ലാസിക്കൽ ഫോർമാറ്റിൽ ഉളളത്. എന്നാൽ ഇന്നത്തെ ടൈബ്രേക്ക് മത്സരങ്ങൾ രാപിഡ്, ബ്ലിറ്റ്സ് ഫോർമാറ്റിലാണ്. ബെസ്റ്റ് ഓഫ് ടുവിലെ ആദ്യ രണ്ട് ഗെയിമുകളിൽ നിന്ന് 1.5 പോയിന്റ് നേടുന്നയാൾ വിജയിക്കും. മത്സരം സമനിലയിലായാൽ വീണ്ടും ടൈബ്രേക്കർ. ഈ മത്സരവും ടൈബ്രേക്കറായാൽ വീണ്ടും മൂന്നാം സെറ്റ് മത്സരം. ഇതിന് ശേഷം നടക്കുന്ന ബ്ലിറ്റ്സ് ടൈബ്രേക്കറിൽ ജയിക്കുന്ന ആളാണ് ലോകകിരീടത്തിന് അവകാശിയാകുക.
ആത്മവിശ്വാസത്തിനൊപ്പം പ്രജ്ഞാനന്ദയ്ക്കൊപ്പം ചരിത്രത്തിന്റെ പിൻബലവുമുണ്ട്. മുൻപൊരുതവണ ടൈബ്രേക്കറിൽ ഇരുവരും തമ്മിൽ ഏറ്റുമുട്ടിയപ്പോൾ വിജയം പ്രജ്ഞാനന്ദക്കൊപ്പമായിരുന്നു. 2022 ക്രിപ്റ്റോ കപ്പ് ഫൈനൽ റൗണ്ടിൽ ടൈബ്രേക്കറിൽ 2-2 ആയശേഷം ബ്ലിറ്റ്സ് ഗെയിമിൽ 2-0 നാണ് കാൾസണെ പ്രജ്ഞാനന്ദ തകർത്തത്.
ടൈ ബ്രേക്ക് സമയക്രമം ഇങ്ങനെ,
25 മിനിറ്റും ഒരോ നീക്കത്തിനും 10 സെക്കന്റ് ഇൻക്രിമെന്റും ഉളള 2 ഗെയിമുകൾ, ഇത് സമനിലയിലായാൽ;
10 മിനിറ്റും ഓരോ നീക്കത്തിനും 10 സെക്കന്റ് ഇൻക്രിമെന്റുമുളള 2 ഗെയിമുകൾ, അതും സമനിലയിലായാൽ;
5 മിനിറ്റും ഓരോ നീക്കത്തിനും 3 സെക്കന്റ് ഇൻക്രിമെന്റുമുളള 2 ഗെയിമുകൾ, അതും സമനിലയിലായാൽ;
3മിനിറ്റും ഓരോ നീക്കത്തിനും 2 സെക്കൻഡ് ഇൻക്രിമെന്റുമുളള ഗെയിമുകൾ
