ലോക ബാഡ്മിന്റൺ ചാമ്പ്യൻഷിപ്പ്: പ്രണോയ്, സാത്വിക്-ചിരാഗ് സഖ്യം ക്വാർട്ടറിൽ

ലോക ബാഡ്മിന്റൺ ചാമ്പ്യൻഷിപ്പിൽ പുരുഷ ഡബിൾസിൽ ഇന്ത്യയുടെ സാത്വിക്-ചിരാഗ് സഖ്യം ക്വാർട്ടറിൽ. ഇന്തോനേഷ്യയുടെ ലിയോ റോളി കർണാണ്ടോ-ഡാനിയൽ മാർട്ടിൻ എന്നിവരെ തോൽപ്പിച്ചാണ് ഇന്ത്യൻ സഖ്യം ക്വാർട്ടറിൽ പ്രവേശിച്ചത്. സ്‌കോർ 21-15, 19-21, 21-9.

മുൻ ലോകചാമ്പ്യൻ ലോക കീൻ യുവിനെ പരാജയപ്പെടുത്തി പുരുഷ സിംഗിൾസിൽ ഇന്ത്യൻ താരം എച്ച്എസ് പ്രണോയിയും ക്വാർട്ടറിൽ പ്രവേശിച്ചു. തുടർച്ചയായ മൂന്നാം തവണയാണ് ലോകചാമ്പ്യൻഷിപ്പിന്റെ അവസാന എട്ടിൽ താരമെത്തുന്നത്. സ്‌കോർ 21-18, 15-21, 21-19.

അതേസമയം പുരുഷ സിംഗിൾസിൽ ലക്ഷ്യ സെന്നും വനിതാ ഡബിൾസിൽ ഗായത്രി ഗോപീചന്ദ്, ട്രീസ ജോളി സഖ്യവും ക്വാർട്ടർ കാണാതെ പുറത്തായി. തായ്‌ലന്റ് താരം കുൻലാവുത് വിതിശനോടാണ് ലക്ഷ്യ സെൻ തോൽവി ഏറ്റുവാങ്ങിയത്. സ്‌കോർ 14-21, 21-16, 13-21. ചൈനയുടെ ജിയ യിഫാൻ-ചെൻ ക്വിങ് സഖ്യത്തോടാണ് ഗായത്രി- ട്രീസ സഖ്യം തോൽവി ഏറ്റുവാങ്ങിയത്. സ്‌കോർ 14-21, 9-21