വരലക്ഷ്മി വ്രതദിനം ആഘോഷമാക്കി കന്നട നടി രാധിക പണ്ഡിറ്റ്. ആഘോഷത്തിന്റെ ചിത്രങ്ങൾ നടി തന്നെ സമൂഹമാദ്ധ്യമങ്ങൾ വഴി പങ്കുവെച്ചു. സൂപ്പർ താരം യഷിന്റെ ഭാര്യ കൂടിയായ രാധിക ഹൈന്ദവ ആചാരങ്ങളും അനുഷ്ഠാനങ്ങളും പിന്തുടരുകയും ആചരിക്കുകയും ആഘോഷമാക്കുകയും ചെയ്യുന്ന വ്യക്തിയാണ്. എല്ലാവർക്കും വരമഹാലക്ഷ്മിയുടെ അനുഗ്രഹമുണ്ടാവട്ടെയെന്നും എല്ലാവരുടെയും ജീവിതത്തിൽ സന്തോഷവും ആരോഗ്യവും സമൃദ്ധിയും ഉണ്ടാകട്ടെയെന്നും രാധിക ആശംസിച്ചു.
https://www.facebook.com/RadhikaPandit/posts/pfbid02nZL3UfiED5oP7vcC8cu3AYP8k64Grv5Ywtvh49SPs7CjW8TXkBB8QxuYSfNCGoc1l
അതേസമയം ആഗ്രഹങ്ങൾ പൂർത്തീകരിക്കുന്നതിനായി ഐശ്വര്യത്തിന്റെയും ധനത്തിന്റെയും ദേവതയായ മഹാലക്ഷ്മീ ദേവിയെ ആരാധിക്കുന്ന വിശേഷ ദിനമാണ് വരലക്ഷ്മി വ്രതദിനം. തമിഴ്നാട്, കർണാടക, ആന്ധ്രപ്രദേശ് എന്നീ സംസ്ഥാനങ്ങളിലാണ് പ്രധാനമായും വരലക്ഷ്മി പൂജ നടക്കുന്നത്. ഈ ദിനത്തിൽ സുമംഗലികളാണ് ആഗ്രഹസാഫല്യത്തിനായി ഈ പൂജ നടത്തുക.
വരലക്ഷ്മി പൂജയ്ക്ക് പിന്നിൽ രണ്ട് കഥകളാണ് പ്രചാരത്തിലുള്ളത്. പണ്ട് മഗധ രാജ്യത്തിൽ കുണ്ഡിന്യപുര എന്ന പട്ടണത്തിൽ ചാരുമതി എന്നൊരു സ്ത്രീ താമസിച്ചിരുന്നു. അവളുടെ ഭക്തിയിൽ സംപ്രീതയായ മഹാലക്ഷ്മി സ്വപ്നത്തിൽ പ്രത്യക്ഷപ്പെടുകയും വരലക്ഷ്മിയെ ആരാധിക്കാനും ആഗ്രഹങ്ങൾ പ്രാർത്ഥിക്കാനും ആവശ്യപ്പെട്ടുവത്രെ.
സമ്പത്തിന്റെ ദേവതയായ ലക്ഷ്മിയുടെ രൂപമാണ് വരലക്ഷ്മി. പൗർണ്ണമിക്ക് മുമ്പുള്ള ശ്രാവണ മാസത്തിലെ വെള്ളിയാഴ്ചയാണ് പ്രാർത്ഥന നടത്താൻ നിർദ്ദേശിച്ചത്. ചാരുമതി തന്റെ സ്വപ്നം വീട്ടുകാരോട് വിശദീകരിച്ചപ്പോൾ, അവർ പൂജ നടത്താൻ അവളെ പ്രോത്സാഹിപ്പിച്ചു. തുടർന്ന് ഗ്രാമത്തിലെ മറ്റ് സ്ത്രീകളും പൂജ നടത്തുന്നതിൽ അവളോടൊപ്പം ചേർന്നു. കീർത്തനങ്ങളോടൊപ്പം വരലക്ഷ്മി ദേവിക്ക് നിരവധി മധുരപലഹാരങ്ങളും നേദിച്ചു.
പരമശിവനെ ഭർത്താവായി ലഭിക്കാൻ പാർവതി ഈ വ്രതം അനുഷ്ഠിച്ചു എന്ന ഐതിഹ്യമാണ് മറ്റൊന്ന്. ഐശ്വര്യവും സന്തോഷവും തേടി പാർവതി നടത്തിയ പൂജയാണിത്. കുടുംബത്തിന്റെ മുഴുവൻ ആരോഗ്യത്തിനും സമ്പത്തിനും അറിവിനും വേണ്ടി വരം തേടുന്ന സ്ത്രീകൾ ഇത് അനുഷ്ഠിക്കാൻ തുടങ്ങി. കർക്കിടകത്തിലോ ചിങ്ങത്തിലോ ദ്വാദശി വരുന്ന വെള്ളിയാഴ്ച ദിവസമാണ് വരലക്ഷ്മി പൂജയും വ്രതവും. ഈ ദിനം മഹാലക്ഷ്മിയുടെ ജന്മദിനമാണെന്നാണ സങ്കല്പ്പവുമുണ്ട്. മഹാലക്ഷ്മി പാൽക്കടലിൽ നിന്നും ഉയർന്നുവന്നത് ദ്വാദശിയായ വെള്ളിയാഴ്ച ആയിരുന്നുവെന്നാണ് പറയുന്നത്.
Comments