ന്യൂഡല്ഹി: ജീവിതത്തില് പ്രാര്ത്ഥനയും വിശ്വാസങ്ങളുമാണ് തന്നെ മുന്നോട്ടുകൊണ്ടുപോയിരിക്കുന്നതാണ് വിശ്വസിക്കുന്നത്, ചെറുപ്പംതൊട്ട് പ്രാര്ത്ഥന അന്തരീക്ഷം വീട്ടിലുണ്ടായിരുന്നു. ഉത്തരവാദപ്പെട്ട സ്ഥാനത്തിരിക്കുന്നവര് ഉത്തരവാദിത്തമില്ലാതെ സംസാരിക്കരുതെന്നാണ് അഭിപ്രായം. നടന് ആയതിന്റെ പേരില്, മറ്റുള്ളവര് എന്തുചിന്തിക്കുമെന്ന് നോക്കിയിരിക്കാന് സാധിക്കണമെന്നില്ലെന്നും ഉണ്ണി മുകുന്ദന്.ഡല്ഹി മലയാളി അസോസിയേഷന് മാനുവല് മലബാര് ജുവലേഴ്സിന്റെ സഹകരണത്തോടെ നടത്തിയ ഓണാഘോഷം ‘ഓണം പൊന്നോണ’ത്തില് സംസാരിക്കുകയായിരുന്നു അദ്ദേഹം.
ഗുജറാത്തിലാണ് വളര്ന്നതെങ്കിലും വീട്ടില് മലയാളം സംസാരിക്കണമെന്ന് അച്ഛന് നിര്ബന്ധം പിടിച്ചിരുന്നു.വീട്ടില്വരുമ്പോള് മലയാളത്തില്ത്തന്നെ സംസാരിക്കണമെന്ന് അച്ഛന് നിര്ബന്ധംപിടിച്ചിരുന്നു. പല ഭാഷ സംസാരിക്കേണ്ടി വരുന്നതിനെക്കുറിച്ച് ചെറുപ്പത്തില് അമ്മയോട് പരാതി പറഞ്ഞിരുന്നു. താന് ഗുജറാത്തിലെ അഹമ്മദാബാദ് മലയാളി മലയാളി അസോസിയേഷനില് സജീവ പ്രവര്ത്തകനായിരുന്നു.അക്കാലത്ത് ഓണപ്പരിപാടികള്ക്കായി നേതൃത്വം കൊടുത്ത ഓര്മകളും അദ്ദേഹം പങ്കുവെച്ചു.
സാംസ്കാരികസമ്മേളനത്തില് ഡി.എം.എ. പ്രസിഡന്റ് കെ. രഘുനാഥ് അദ്ധ്യക്ഷനായി. ഡി.എം.എ. രക്ഷാധികാരി ഗോകുലം ഗോപാലന് ഉദ്ഘാടനം ചെയ്തു. ഗായിക ചിത്ര അരുണ് വിശിഷ്ടാതിഥിയായി. ഡി.എം.എ. ജനറല് സെക്രട്ടറി ടോണി കണ്ണമ്പുഴ, വൈസ് പ്രസിഡന്റും ‘ഓണം പൊന്നോണം-2023’ ജനറല് കണ്വീനറുമായ കെ.ജി. രഘുനാഥന് നായര് തുടങ്ങിയവര് സംസാരിച്ചു.
