പ്രശസ്ത അര്‍ജന്റീന നടിയും മോഡലും ടിവി അവതാരകയുമായ സില്‍വിന ലൂണ അന്തരിച്ചു. സൗന്ദര്യ വര്‍ദ്ധനയ്‌ക്കായയി നടത്തിയ പ്ലാസ്റ്റിക് സര്‍ജറിയിയെ തുടര്‍ന്നുണ്ടായ ആരോഗ്യപ്രശ്‌നങ്ങളെ തുടര്‍ന്ന് ചികിത്സയിലിരിക്കെയാണ് അന്ത്യം. 43വയസായിരുന്നു. 2011 മുതല്‍ വൃക്കതകരാര്‍ മൂലം ബുദ്ധിമുട്ടുകയായിരുന്നു അവര്‍.
അവളുടെ അഭിഭാഷകന്‍ ഫെര്‍ണാണ്ടോ ബര്‍ലാന്‍ഡോയാണ് മരണവാര്‍ത്ത സ്ഥിരീകരിച്ചത്, ഡോക്ടര്‍മാര്‍ അവളെ വീണ്ടും ഇന്‍ട്യൂബേറ്റ് ചെയ്യണമെന്ന് പറഞ്ഞതിനെത്തുടര്‍ന്ന് അവളെ ലൈഫ് സപ്പോര്‍ട്ടില്‍ നിന്ന് മാറ്റാന്‍ കുടുംബാംഗങ്ങള്‍ തീരുമാനിക്കുകയായിരുന്നു.
‘ഞങ്ങള്‍ എപ്പോഴും നിന്നെ സ്‌നേഹിക്കുന്നു; ഞങ്ങള്‍ എപ്പോഴും നിന്നെ സ്‌നേഹിക്കും; ഞങ്ങള്‍ ഒരേ വഴികളിലൂടെയാണ് പോയത്;നമ്മള്‍ എപ്പോഴും എന്റെ ഹൃദയത്തില്‍ ഒരുമിച്ചായിരിക്കും കാരണം നീ തിരഞ്ഞെടുത്ത കുടുംബമാണിത്.- സുഹൃത്തും നടനുമായ ഗുസ്താവോ കോണ്ടി ഇന്‍സ്റ്റാഗ്രാമില്‍ പോസ്റ്റ് ചെയ്ത കുറിപ്പില്‍ പറഞ്ഞു.
ബ്യൂണസ് അയേഴ്സ് ടൈംസ് അനുസരിച്ച്, വര്‍ഷങ്ങളായി കടുത്ത ആരോഗ്യപ്രശ്‌നങ്ങളാല്‍ ബുദ്ധിമുട്ടിയിരുന്ന അവര്‍. അടുത്ത കുറച്ചുനാളുകളായി ആശുപത്രിയിലായിരുന്നു ജീവിതം. വിചാരണ നേരിടുന്ന ഡോക്ടര്‍ അനിബല്‍ ലോട്ടോക്കി വര്‍ഷങ്ങള്‍ക്ക് മുമ്പ് നടത്തിയ സൗന്ദര്യവര്‍ദ്ധക ശസ്ത്രക്രിയയ്‌ക്കിടെ നടിയുടെ ശരീരത്തില്‍ പോളിമെതൈല്‍മെത്തക്രൈലേറ്റ് അടങ്ങിയ ഒരു ദ്രാവകം കുത്തിവച്ചു. ഇത് അര്‍ജന്റീനയുടെ നാഷണല്‍ അഡ്മിനിസ്ട്രേഷന്‍ ഓഫ് ഡ്രഗ്സ്, ഫുഡ്, മെഡിക്കല്‍ ടെക്നോളജി നിരോധിച്ചതായിരുന്നു. ഇതാണ് നടിയുടെ ആരോഗ്യ പ്രശ്‌നങ്ങള്‍ക്ക് കാരണമായത്.
Comments