പത്തനംതിട്ട: മുഖ്യമന്ത്രിയുടെ അകമ്പടി വാഹനം കാർ ഇടിച്ച് തെറിപ്പിച്ച സംഭവത്തിൽ ബിജെപി ദേശീയ നിർവാഹക സമിതി അംഗം ജി കൃഷ്ണകുമാറിന്റെ പരാതിയിൽ കേസെടുക്കാതെ പോലീസ്. പരാതിയിൽ കേസെടുത്തിട്ടില്ലെന്നും അന്വേഷണം നടത്തുമെന്നും എസ്എച്ച്ഒ ടി.ഡി.പ്രജീഷ് പറഞ്ഞു.
പുതുപ്പള്ളിയിൽ തിരഞ്ഞെടുപ്പ് പ്രചാരണത്തിന് പോകുമ്പോളായിരുന്നു സംഭവം. എംസി റോഡിൽ പന്തളം ജംഗ്ഷന് സമീപത്ത് വെച്ചായിരുന്നു അപകടമുണ്ടായത്. പോലീസ് വാഹനത്തിന് പോകാനുള്ള സ്ഥലമുണ്ടായിട്ടും കാറിൽ താനാണെന്ന് മനസിലാക്കി ബോധപൂർവം തന്നെ ഇടിക്കുകയായിരുന്നു എന്ന് കൃഷ്ണകുമാർ പറഞ്ഞു. ഇടിച്ചതിന് ശേഷം വാഹനത്തിലുണ്ടായിരുന്ന പോലീസുകാർ അസംഭ്യം പറയുകയും മോശമായി പെരുമാറുകയും ചെയ്തതായി കൃഷ്ണകുമാർ പറഞ്ഞിരുന്നു.
സിഗ്നൽ ലഭിച്ച ഉടനെ വാഹനം വശത്തേക്ക് മാറ്റിയിരുന്നെങ്കിലും മന:പൂർവ്വം പോലീസ് ബസ് ഇടിപ്പിക്കുകയായിരുന്നുവെന്നാണ് ആക്ഷേപം. പാർട്ടിയുടെ കൊടി കണ്ടിട്ട് രാഷ്ട്രീയ വിരോധികളായ പോലീസുകാർ ഇടിപ്പിച്ചതാകാമെന്നും ഇത്തരക്കാരെ മുഖ്യമന്ത്രി നിയന്ത്രിക്കണമെന്നും അപകടമുണ്ടായ ദിവസം കൃഷ്ണകുമാർ പ്രതികരിച്ചിരുന്നു.
Comments