ജിസ് ജോയ് സംവിധാനം ചെയ്യുന്ന പുതിയ ചിത്രത്തിൽ പ്രധാന കഥാപാത്രങ്ങളായി മോഹൻലാലും മഞ്ജു വാര്യരും വന്നേക്കും . സിനിമയെക്കുറിച്ചുള്ള സൂചനകൾ സംവിധായകൻ ജിസ് ജോയി തന്നെയാണ് തന്റെ ഫേസ് ബുക്ക് പേജിലൂടെ അറിയിച്ചത്. നിർമാണം ആന്റണി പെരുമ്പാവൂരാണ്. സംഗീതം എം ജി ശ്രീകുമാറും.
മോഹൻലാൽ, മഞ്ജു വാര്യർ, എം ജി ശ്രീകുമാർ, ആന്റണി പെരുമ്പാവൂർ എന്നിവർക്കൊപ്പമുള്ള ഫോട്ടോകളാണ് സംവിധായകൻ ഫേസ് ബുക്കിൽ പങ്കുവച്ചിരിക്കുന്നത്. ‘പ്ലാൻ എ ഫോർ ത്രീ എം’ എന്ന അടിക്കുറിപ്പാണ് ഫേസ്ബുക്കിൽ പങ്കുവെച്ച ചിത്രങ്ങൾക്ക് നൽകിയിരക്കുന്നത്.
സിനിമയെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല. ജിസ് ജോയി സംവിധാനം ചെയ്ത ആദ്യ ചിത്രമാണ് ആസിഫ് അലി നായകനായ ‘ബൈസിക്കിള് തീവ്സ്’.
