കൊച്ചി: ഐഎസ്എൽ 10-ാം സീസണ് സെപ്റ്റംബർ 21 ന് കിക്കോഫ്. കൊച്ചിയിൽ നടക്കുന്ന ഉദ്ഘാടന മത്സരത്തിൽ കേരള ബ്ലാസ്റ്റേഴ്സും ബെംഗളൂരു എഫ്.സി.യും ഏറ്റുമുട്ടും. മത്സരങ്ങളുടെ തീയതിയും മത്സരക്രമവും ഐഎസ്എൽ സംഘാടകർ ഔദ്യോഗികമായി പുറത്തുവിട്ടു.
9-ാം സീസണിലെ ബ്ലാസ്റ്റേഴ്സ്-ബെംഗളൂരു പ്ലേ ഓഫ് മത്സരം ഏറെ വിവാദങ്ങൾക്ക് വഴിതെളിച്ചിരുന്നു. ഐ ലീഗിൽ നിന്ന് യോഗ്യത നേടിയെത്തിയ പഞ്ചാബ് എഫ്.സി. ഉൾപ്പെടെ 12 ടീമുകളാണ് ഇത്തവണ ഐ.എസ്.എല്ലിൽ മത്സരിക്കുക. നിലവിലെ ചാമ്പ്യന്മാരായ മോഹൻ ബഗാനുമായാണ് ഐലീഗ് ചാമ്പ്യൻമാരുടെ ആദ്യ കളി. ഗോവ എഫ്.സി. ആദ്യ മത്സരത്തിൽ ഹൈദരാബാദ് എഫ്.സി.യെ നേരിടുമ്പോൾ ഈസ്റ്റ് ബംഗാളിന് ജംഷേദ്പുർ എഫ്.സി.യാണ് എതിരാളി. മുംബൈ നോർത്ത് ഈസ്റ്റ് യുണൈറ്റഡിനെ നേരിടുമ്പോൾ ചെന്നൈയിൻ ആദ്യ റൗണ്ടിൽ ഒഡീഷയെയും നേരിടും.
