ഭീകരവാദത്തെ പ്രോത്സാഹിപ്പിക്കുന്നു : ഗ്രീൻ ലെയ്ൻ മസ്ജിദിന്റെ 2 മില്യൺ പൗണ്ടിന്റെ ഗ്രാൻഡ് മരവിപ്പിച്ച് ബ്രിട്ടൻ

ലണ്ടൻ : ഭീകരവാദത്തെ പ്രോത്സാഹിപ്പിക്കുന്ന പ്രസംഗം നടത്തിയ മസ്ജിദിന്റെ 2 മില്യൺ പൗണ്ട് ഗ്രാൻഡ് മരവിപ്പിച്ച് ബ്രിട്ടൻ. ബർമിംഗ്ഹാമിലെ ഗ്രീൻ ലെയ്ൻ മുസ്ലീം പള്ളിയിൽ യുവജന സൗകര്യങ്ങൾ നിർമ്മിക്കുന്നതിനുള്ള സർക്കാർ ഗ്രാന്റ് 2 മില്യൺ പൗണ്ട് നൽകുന്നതാണ് താൽക്കാലികമായി നിർത്തിവച്ചത് .

ഗ്രീൻ ലെയ്ൻ മസ്ജിദിലെയും കമ്മ്യൂണിറ്റി സെന്ററിലെയും തീവ്രവാദ, വിദ്വേഷ പ്രസംഗം പുറത്ത് വന്നതിനു പിന്നാലെയാണിത് .ഫണ്ട് കൈകാര്യം ചെയ്യുന്ന സോഷ്യൽ ഇൻവെസ്റ്റ്‌മെന്റ് ബിസിനസ് ഗ്രാന്റ് വിതരണം താൽക്കാലികമായി നിർത്തിയതായും സമീപകാല ആരോപണങ്ങൾ അന്വേഷിക്കുകയാണെന്നും സർക്കാർ പറയുന്നു.

അടുത്തിടെ മസ്ജിദിലെ പുരോഹിതന്റെ വിദ്വേഷ പ്രസംഗം പുറത്ത് വന്നിരുന്നു . വ്യഭിചാര കുറ്റം ചുമത്തുന്ന സ്ത്രീയെ അരഭാഗത്തോളം മണ്ണിട്ട് മൂടി നിർത്തണമെന്നും , ചാട്ടവാറടി നൽകണമെന്നും ഇമാം പറയുന്നതിന്റെ വീഡിയോയാണ് പുറത്ത് വന്നത് . ഇത് വലിയവിവാദങ്ങൾക്കിടയാക്കിയിരുന്നു.