2023 ഏകദിന ലോകകപ്പിന്റെ ഫൈനലിസ്റ്റുകളെ കുറിച്ച് പ്രവചനം നടത്തി ഓസ്ട്രേലിയൻ ഓൾറൗണ്ടർ മിച്ചൽ മാർഷ്. അടുത്തിടെ നടന്ന ഒരു പോഡ്കാസ്റ്റിനിടെയാണ് താരം പ്രവചനം നടത്തിയത്. ആദം ഗിൽക്രിസ്റ്റും മൈക്കൽ വോണും ചേർന്നാണ് പോഡ്കാസ്റ്റിന് നേതൃത്വം നൽകിയത്. ഫൈനലിസ്റ്റുകളായി ഓസ്ട്രേലിയയെ ഉൾപ്പെടുത്താതിരുന്ന വോൺ, മാർഷിനോട് ലോകകപ്പ് ഫൈനലുകൾ ആരൊക്കെയാകുമെന്ന് ചോദിച്ചു. അപ്പോൾ അദ്ദേഹം നടത്തിയ പ്രവചനമാണ് ഇപ്പോൾ സമൂഹമാദ്ധ്യമങ്ങളിൽ ചർച്ചയായിരിക്കുന്നത്.
തന്റെ ടീമായ ഓസ്ട്രേലിയ തീർച്ചയായും ലോകകപ്പ് ഫൈനലിലെത്തുമെന്നും അവിടെ അവർ പാകിസ്താനെ നേരിടുമെന്നും അദ്ദേഹം പ്രവചിച്ചു. ചോദ്യം ഇങ്ങനെ ആയിരുന്നു- ആരാണ് ഫൈനലിൽ വിജയിക്കാൻ പോകുന്നത്? ഇന്ത്യയോ പാകിസ്തനോ ഇംഗ്ലണ്ടോ?
ഞാൻ സ്വപ്നം കാണുന്നത് പാകിസ്താനും ഓസ്ട്രേലിയയും തമ്മിലുള്ള ഫൈനൽ മത്സരമാണ്. ഏറ്റവും കരുത്തരായ രണ്ട് ടീമുകളാണ് ഞങ്ങളും പാകിസ്താനും. അതിനാൽ തന്നെ പാകിസ്താനും ഞങ്ങളും തമ്മിലുള്ള ഫൈനൽ മത്സരമാണ് ഞാൻ പ്രതീക്ഷിക്കുന്നത്. അങ്ങനെ സംഭവിക്കുമെന്ന് തന്നെയാണ് എന്റെ വിശ്വാസം- ഓസ്ട്രേലിയൻ താരം പറഞ്ഞു.
Comments