ലക്നൗ : പ്രവാചക-ഇ-ഇസ്ലാം ബിൽ പാർലമെന്റിൽ പാസാക്കണമെന്ന ആവശ്യവുമായി മുസ്ലീം പണ്ഡിതർ . ഉത്തർപ്രദേശിലെ ബറേലിയിൽ സ്ഥിതി ചെയ്യുന്ന ദർഗ ആലാ ഹസ്രത്തിന്റെ മൂന്ന് ദിവസത്തെ ഉർസ്-ഇ-രാജവിയോടനുബന്ധിച്ച് ഇസ്ലാം പണ്ഡിതന്മാർ യോഗം ചേർന്നിരുന്നു . രാജ്യത്തുടനീളമുള്ള ഇസ്ലാം പണ്ഡിതന്മാർ ഇതിൽ പങ്കെടുത്തു. അഖിലേന്ത്യാ മുസ്‌ലിം ജമാഅത്ത് ദേശീയ പ്രസിഡന്റ് മൗലാനാ മുഫ്തി ഷഹാബുദ്ദീൻ റസ്‌വി ബറേൽവി അധ്യക്ഷത വഹിച്ചു.
പെൺകുട്ടികൾക്കായി പ്രത്യേകം സ്കൂളുകളും കോളേജുകളും തുറക്കണം. ഇന്ത്യയുടെ രാഷ്‌ട്രീയം വളരെ മോശമായിരിക്കുന്നു, അതിനാൽ രാഷ്‌ട്രീയത്തിൽ അധികം പങ്കെടുക്കരുത്, അകലം പാലിക്കണം . അല്ലാത്തപക്ഷം ഭാവിയിൽ നിങ്ങൾക്ക് വലിയ നഷ്ടങ്ങൾ അനുഭവിക്കേണ്ടി വരും.രാജ്യത്തിന്റെ ഐക്യത്തിനും അഖണ്ഡതയ്‌ക്കും വേണ്ടി എല്ലാ ത്യാഗവും സഹിക്കാൻ മുസ്ലീങ്ങൾ തയ്യാറാണ് . മുസ്ലീങ്ങൾക്കെതിരായ അനീതിയും അടിച്ചമർത്തലും അതിക്രമങ്ങളും ദീർഘകാലം നമുക്ക് സഹിക്കാനാവില്ല. സർക്കാരുകളും രാഷ്‌ട്രീയ പാർട്ടികളും ഇക്കാര്യത്തിൽ ഗൗരവമായി പ്രവർത്തിക്കുകയും മുസ്ലീങ്ങളോടുള്ള പെരുമാറ്റം മാറ്റുകയും വേണം.
‘പ്രവാചക-ഇസ്ലാം ബിൽ’ പാർലമെന്റിൽ പാസാക്കണം . അങ്ങനെ ആർക്കും പ്രവാചകനെ അനാദരിക്കാൻ ഇട നൽകരുത് .മദ്രസകളിലും പള്ളികളിലും പ്രവർത്തിക്കുന്ന മതപാഠശാലകളിൽ അറബിക്, ഉറുദു, ഹിന്ദി, ഇംഗ്ലീഷ്, കമ്പ്യൂട്ടർ വിദ്യാഭ്യാസം എന്നിവയ്‌ക്ക് ക്രമീകരണം ചെയ്യണം.ന്യൂനപക്ഷങ്ങൾക്ക് സ്വന്തം അധികാരത്തോടെ സ്വന്തം സ്ഥാപനങ്ങൾ സ്ഥാപിക്കാനും പ്രവർത്തിപ്പിക്കാനും ഭരണഘടന അനുവദിച്ചിട്ടുണ്ട്. ഇത്തരമൊരു സാഹചര്യത്തിൽ സർക്കാർ ഇടപെടേണ്ട കാര്യമില്ല
ഇസ്‌ലാമിന്റെ പ്രവാചകന്റെ ബഹുമാനത്തിൽ ഒരു മുസ്‌ലിമിന് ചെറിയ ധിക്കാരം പോലും സഹിക്കാനാവില്ല. ഇതുമായി ബന്ധപ്പെട്ട് കേന്ദ്രസർക്കാർ പ്രവാചക ഇസ്ലാം ബിൽ പാർലമെന്റിൽ കൊണ്ടുവന്ന് നിയമം ഉണ്ടാക്കി. ഈ നിയമത്തിലൂടെ മോശമായി പെരുമാറുന്ന വ്യക്തിക്കെതിരെ നിയമനടപടി സ്വീകരിക്കണം. യൂണിഫോം സിവിൽ കോഡ് ഒരു സാഹചര്യത്തിലും മുസ്ലീങ്ങൾക്ക് സ്വീകാര്യമല്ല, അത് ശരിയത്തിന് എതിരാണ്. ഈ നിയമം എല്ലാ തലത്തിലും എതിർക്കുമെന്നും മുസ്ലീം പുരോഹിതർ പറഞ്ഞു.
Comments