ലോകത്തെ പിടിച്ച് കുലുക്കിയ കൊറോണ മഹാമാരിയും അതിനെ പ്രതിരോധിക്കാനുള്ള വാക്‌സിന്റെ കണ്ടുപിടിത്തവും അവതരിപ്പിക്കുന്ന ചിത്രം ‘ ദ് വാക്‌സിൻ വാറിന്റെ’ ട്രെയിലർ പുറത്തിറങ്ങി. കശ്മീർ ഫയൽസിന് ശേഷം വിവേക് രഞ്ജൻ അഗ്നിഹോത്രിയൊരുക്കുന്ന സിനിമയാണിത്. ഇന്ത്യയിലെ ആദ്യ ബയോ സയൻസ് സിനിമയാകുമിതെന്നാണ് അണിയറ പ്രവർത്തകർ വ്യക്തമാക്കി. യഥാർത്ഥ സംഭവങ്ങൾ ആസ്പദമാക്കിയുള്ള ചിത്രമാകുമെന്ന് ടീസറിലൂടെ വ്യക്തമാണ്.
Iam Budha പ്രൊഡക്ഷൻസിന്റെ ബാനറിൽ പല്ലവി ജോഷിയും അഭിഷേക് അഗർവാൾ ആർട്‌സും ചേർന്നാണ് ചിത്രത്തിന്റെ നിർമ്മാണം. പല്ലവി ജോഷി ചിത്രത്തിൽ ഏറെ പ്രാധാന്യമുള്ള കഥാപാത്രത്തെ അവതരിപ്പിക്കുന്നുണ്ട്. നാന പടേക്കർ, അനുപം ഖേർ എന്നിവരും ചരിത്രത്തിൽ പ്രധാന വേഷത്തിലെത്തുണ്ട്.
സപ്തമി ഗൗഡ, ദിവ്യ സേത്ത്, പരിതോഷ് സാൻഡ്, സ്നേഹ മിലാൻഡ് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ഹിന്ദി,ഇംഗ്ലിഷ്, ഗുജറാത്തി, പഞ്ചാബി, ഭോജ്പുരി, ബംഗാളി, മറാഠി, തെലുങ്ക്, തമിഴ്, കന്നട, എന്നിവ ഉൾപ്പടെ പത്തലധിധികം ഭാഷകളിലാകും ചിത്രം റിലീസ് ചെയ്യുക. ആംഗ്യഭാഷയിലും ചിത്രം തിയേറ്ററിലെത്തും. സെപ്റ്റംബർ 28-നാകും ചിത്രത്തിന്റെ റിലീസ്.
Comments