കോഴിക്കോട്: നഗരത്തിൽ വൻ കഞ്ചാവ് വേട്ട. മീൻവണ്ടിയിൽ ഒളിപ്പിച്ചു കടത്താൻ ശ്രമിച്ച 30 കിലോ കഞ്ചാവുമായി രണ്ട് യുവാക്കൾ അറസ്റ്റിൽ. കോഴിക്കോട് നല്ലളം സ്വദേശിയായ മുഹമ്മദ് ഫർഷാദ്, മലപ്പുറം സ്വദേശി നിസാർ ബാബു എന്നിവരാണ് പിടിയിലായത്.
ജില്ലയിൽ നിപ നിയന്ത്രണങ്ങൾ തുടരുന്നതിനിടെ 30 കിലോ കഞ്ചാവ് മീൻ വണ്ടിയിൽ ഒളിപ്പിച്ചു കടത്താൻ ശ്രമിക്കുകയായിരുന്നു പ്രതികൾ. കോഴിക്കോട് കോർപ്പറേഷന് മുൻപിൽ നിന്നാണ് പോലീസ് ഇവരെ പിടികൂടിയത്.
മീൻ കുട്ടകളുടെ അടിയിൽ ഒളിപ്പിച്ച തരത്തിലായിരുന്നു കഞ്ചാവ് സൂക്ഷിച്ചിരുന്നത്. പോലീസ് മീൻ വണ്ടി തടഞ്ഞുനിർത്തി പരിശോധിച്ചപ്പോഴാണ് കഞ്ചാവ് കണ്ടെത്തിയത്.
Comments