അധികാരങ്ങളും സ്ഥാനങ്ങളും അയാൾ ഇഷ്ടപ്പെടുന്നില്ല; ടീമിന്റെ വിജയ നിമഷങ്ങളിൽ ഭാഗമാകാനാണ് അവനിഷ്ടം; കോഹ്ലിയെക്കുറിച്ച് മഞ്ജരേക്കർ

ഇന്ത്യയുടെ സ്റ്റാർ ബാറ്റർ വിരാട് കോഹ്ലിയെ പ്രശംസ കൊണ്ട് പൊതിഞ്ഞ് മുൻതാരവും കമന്റേറ്ററുമായ സഞ്ജയ് മഞ്ജരേക്കർ. വിരാടിന് അധികാര, സ്ഥാനമാനങ്ങളിൽ ഒരു താത്പ്പര്യവുമില്ലെന്ന് മഞ്ജരേക്കർ പറഞ്ഞു. കോഹ്ലിയും സച്ചിനെ പോലെ ക്രിക്കറ്റ് അസ്വദിച്ച് കളിക്കാനാണ് താരം ശ്രമിക്കുന്നത്.

ഏഷ്യാകപ്പിൽ ബംഗ്ലാദേശിനെതിരായ മത്സരത്തിൽ ടീം മാനേജ്മെന്റ് കോഹ്ലിയ്‌ക്ക് വിശ്രമം അനുവദിച്ചിരുന്നു. എന്നിട്ടും കളിക്കളത്തിൽ അദ്ദേഹം സജീവമായിരുന്നു. ഇതിനായി നേതൃ-സ്ഥാനം വേണമെന്ന് അദ്ദേഹത്തിന് ആഗ്രഹമില്ല. ടീമിനൊപ്പം ചേർന്ന് നിൽക്കാനാണ് അദ്ദേഹം ആഗ്രഹിക്കുന്നത്. വർഷങ്ങളോളം കോഹ്ലി ഇന്ത്യൻ ടീമിനെ നയിച്ചു. പക്ഷേ അദ്ദേഹത്തിനിഷ്ടം കളിക്കാർക്കൊപ്പം യാത്ര ചെയ്യുന്നതും ഗ്രൗണ്ടിൽ കളിക്കുന്നതും, വിജയനിമിഷങ്ങളുടെ ഭാഗമാകുന്നതുമാണ്. അദ്ദേഹം കൂട്ടിച്ചേർത്തു.