വീട്ടാനുളള കടങ്ങൾ വീട്ടിക്കൊണ്ടാണ് ഐഎസ്എൽ പത്താം സീസണിൽ കൊമ്പന്മാർ വരവറിയിച്ചത്. ബെംഗളൂരു എഫ്‌സിയെ ഒന്നിനെതിരെ രണ്ടു ഗോളിനാണ് ബ്ലാസ്റ്റേഴ്‌സ് കീഴടക്കിയത്. കനത്ത മഴയിലും തിങ്ങി നിറഞ്ഞ ഗാലറിയെ സാക്ഷിയാക്കി ബ്ലാസ്റ്റേഴ്‌സ് വിജയം കൈപടയിലൊതുക്കി. കഴിഞ്ഞ തവണ കളി തീരുംമുമ്പേ കളത്തിൽനിന്ന് കയറിപ്പോകാൻ കാരണക്കാരായ ബെംഗളൂരുവിനെതിരെ നടത്തിയ മധുര പ്രതികാരം കൂടിയായിരുന്നു ഈ വിജയം.
വീറുറ്റ പോരാട്ടത്തിനിടയിലും ആരാധകരെ ചിരിപ്പിക്കുന്ന നിമിഷങ്ങൾക്കും ഇന്നലെ സ്റ്റേഡിയം സാക്ഷിയായി. ഫ്രീകിക്ക് ഗോളെടുക്കാൻ അവസരം ലഭിച്ച ബെംഗളൂരുവിന്റെ നീക്കത്തിന് വിലങ്ങു തടിയായ നായകൻ അഡ്രിയാൻ ലൂണയാണ് കാണികളിലും റഫറി രാഹുൽ കുമാർ ഗുപ്തയിലും അടക്കം ചിരി പടർത്തിയത്.
📹 | Adrian Luna standing guard to the ball to avoid a repeat of last season’s quick free-kick, best moment from #KBFCBFC 😂😭 #IndianFootball pic.twitter.com/uXAg9BV0JT
— 90ndstoppage (@90ndstoppage) September 22, 2023
“>
81-ാം മിനിറ്റിലായിരുന്നു സംഭവം. ബ്ലാസ്റ്റേഴ്‌സ് ബോക്‌സിന് ഏകദേശം മുപ്പതു വാര അകലെ വച്ച് ലൂണ ബെംഗളൂരുവിന്റെ മിഡ്ഫീൽഡർ ഹാവി ഹെർണാണ്ടസിനെ വീഴ്‌ത്തുന്നു. റഫറി ഫൗൾ വിസിൽ വിളിച്ചു. ഫ്രീകിക്ക് എടുക്കാൻ വന്ന ഹാവിക്ക് തൊട്ടുമുമ്പിൽ ലൂണ തടസം നിന്നു. ഫ്രീകിക്ക് എടുക്കുന്നതിൽ നിന്ന് ഹാവിയെ തടയുകയായിരുന്നു ലക്ഷ്യം. സംഭവം മനസ്സിലാക്കിയ റഫറി ചിരിച്ച് ലൂണയോട് പിന്നോട്ട് പോകാൻ ആവശ്യപ്പെട്ടു. ഹാവി ഹെർണാണ്ടസും ചിരിയിൽ പങ്കുകൊണ്ടു. ‘ദിസ് ഈസ് ദ മോസ്റ്റ് ഐകോണിക് മൊമെന്റ് സൊ ഫാർ ഇൻ ദിസ് സീസൺ’ എന്നാണ് കമന്റേറ്റർമാർ ഇതിനെ വിശേഷിപ്പിച്ചത്.
