19-ാമത് ഏഷ്യൻ ഗെയിംസിന് ഹാങ്ഷൗവിൽ തുടക്കം. ബിഗ് ലോട്ടസ് എന്ന പ്രശസ്തമായ ഹാങ്ഷൗ ഒളിമ്പിക് സ്പോർട്സ് സെന്റർ സ്റ്റേഡിയത്തിൽ ഡിജിറ്റൽ ദീപശിഖ തെളിഞ്ഞതോടെയാണ് ഔദ്യോഗികമായി ഏഷ്യൻ ഗെയിംസിന് തുടക്കമായത്. ചൈനീസ് പ്രസിഡന്റ് ഷി ജിൻ പിംഗ്് ഏഷ്യൻ ഗെയിംസ് ഉദ്ഘാടനം ചെയ്തതായി പ്രഖ്യാപിച്ചു. തുടർന്ന് ഒഉിംപിക്‌സ് കൗൺസിൽ ഓഫ് ഏഷ്യയുടെ പതാക ഉയർന്നു വിവിധ രാജ്യങ്ങളുടെ ഔദ്യോഗിക പ്രതിനിധികൾ ഉൾപ്പെടെ 50,000-ലധികം കാണികളാണ് ഉദ്ഘാടന ചടങ്ങിന് സാക്ഷികളായത്.
ഉദ്ഘാടന ചടങ്ങിലെ മാർച്ച് പാസ്റ്റിൽ ഇന്ത്യൻ ഹോക്കി ടീം ക്യാപ്റ്റൻ ഹർമ്മൻപ്രീത് സിംഗും വനിതാ ബോക്‌സിംഗ് താരം ലവ്ലിന ബൊർേഗാഹെയ്‌നുമാണ് ഇന്ത്യൻ പതാക വഹിച്ചത്. ചൈനയുടെ സമ്പന്നമായ സാംസ്‌കാരിക പൈതൃകവും പുരോഗതിയും സാങ്കേതിക മേന്മയുമായാണ് ഉദ്ഘാടനവേദിയിൽ ലോകത്തിന് പിന്നിൽ ചൈന പ്രദർശിപ്പിച്ചത്. ആതിഥേയനഗരമായ ഹാങ്ഷൗവിന്റെ പാരമ്പര്യവും പ്രകൃതിയും നിറഞ്ഞു നിൽക്കുന്ന കലാവിരുന്നുകളാണ് ചടങ്ങിൽ അരങ്ങേരിയത്. പ്രവിശ്യയുടെ മുഖമുദ്രയായ ക്വന്റാങ് നദിയുടെ ഓളങ്ങളുടെ തീമാണ് പരിപാടികൾക്ക്.
