ഒരു രാജ്യത്തു നിന്ന് മറ്റൊരു രാജ്യത്തേക്ക് യാത്ര ചെയ്യുമ്പോള്‍ ഏറ്റവും അത്യാവശ്യമായ ഘടകമാണ് പാസ്പോര്ട്ട്. മതിയായ മറ്റ് യാത്രാ രേഖകളും പാസ് പോര്‍ട്ടിനൊപ്പം കരുതേണ്ടതുണ്ട്. എന്നാല്‍ ഇതിന് പരിഹാരമായി ഡിജിറ്റല്‍ പാസ്പോര്ട്ട് അവതരിപ്പിച്ചിരിക്കുകയാണ് ഫിന്‍ലാന്‍ഡ്. പല രാജ്യങ്ങളും ഡിജിറ്റല്‍ പാസ്പോര്ട്ട് കൊണ്ടുവരാന്‍ പദ്ധതിയിടുന്നുണ്ടെങ്കിലും, പദ്ധതി പ്രാവര്‍ത്തികമാക്കുന്ന ലോകത്തിലെ ആദ്യത്തെ രാജ്യമായി ഫിന്‍ലാന്‍ഡ് മാറി.
അന്താരാഷ്‌ട്ര യാത്രയില്‍ വിപ്ലവം സൃഷ്ടിച്ചുകൊണ്ടാണ് ഫിന്‍ലാന്‍ഡ് ഡിജിറ്റല്‍ പാസ്പോര്‍ട്ടുകള്‍ അവതരിപ്പിക്കുന്നത്. പരീക്ഷണ ഘട്ടമായതിനാല്‍ തലസ്ഥാനമായ ഹെല്‍സിങ്കിയില്‍ നിന്ന് യുകെയിലേക്ക് പുറപ്പെടുന്നവര്‍ക്ക് മാത്രമേ ഇപ്പോള്‍ ഈ സൗകര്യം ലഭ്യമാകുകയുള്ളു.
ഫിന്നെയര്‍ (ഫിന്‍ലാന്‍ഡിന്റെ ഫ്‌ലാഗ് കാരിയര്‍), ഫിന്നിഷ് പോലീസ്, ഫിനാവിയ (എയര്‍പോര്‍ട്ട് ഓപ്പറേറ്റര്‍) എന്നിവര്‍ സംയുക്തമായാണ് ഡിജിറ്റല്‍ പാസ്പോര്ട്ട് അവതരിപ്പിക്കുന്നത്. ഫിന്നിഷ് ബോര്‍ഡര്‍ ഗാര്‍ഡിന്റെ മേല്‍നോട്ടത്തിലാണ് നിലവില്‍ ട്രയല്‍ നടക്കുന്നത്. 2024 ഫെബ്രുവരി വരെ ട്രയല്‍ നടക്കും. ശേഷം ഹെല്‍സിങ്കി വിമാനത്താവളത്തിന് ഡിജിറ്റല്‍ പാസ്പോര്ട്ട് സംവിധാനം കൈമാറും
ലളിതമായി പറഞ്ഞാല്‍, നിങ്ങളുടെ ഫിസിക്കല്‍ പാസ്പോര്ട്ടിന്റെ ഡിജിറ്റല്‍ പതിപ്പാണ് ഡിജിറ്റല്‍ പാസ്പോര്ട്ട്. ഫിസിക്കല്‍ പാസ്പോര്‍ട്ടിന്് പകരം ഇലക്ട്രോണിക് ഉപകരണങ്ങളില്‍ പാസ്പോര്ട്ട് വിശദാംശങ്ങള്‍ സുരക്ഷിതമായി സംരക്ഷിക്കാനും പ്രദര്‍ശിപ്പിക്കാനും യാത്രക്കാരെ അനുവദിക്കുന്ന ഒരു മൊബൈല്‍ ആപ്പാണിത്.
ഡിജിറ്റല്‍ പാസ്പോര്ട്ട് എങ്ങനെ പ്രവര്‍ത്തിക്കും?
ഫിന്‍ലന്‍ഡ് യാത്രക്കാര്‍ ആദ്യം ഗൂഗിള്‍ പ്ലേ സ്റ്റോറില്‍ നിന്നോ ആപ്പിള്‍ ആപ്പ് സ്റ്റോറില്‍ നിന്നോ FIN DTC പൈലറ്റ് ഡിജിറ്റല്‍ ട്രാവല്‍ ഡോക്യുമെന്റ് ആപ്പ് ഡൗണ്‍ലോഡ് ചെയ്യണം. ആപ്പ് ഉപയോഗിക്കുന്നതിന് പിന്‍ നമ്പര്‍, ഫിംഗര്‍പ്രിന്റ് അല്ലെങ്കില്‍ ഫെയ്സ് ഐഡി പോലുള്ള ലോക്കിംഗ് സുരക്ഷാ സംവിധാനങ്ങള്‍ ഫോണില്‍ ഉണ്ടായിരിക്കണം.
ഇതിന് ശേഷം യാത്രക്കാര്‍ വന്താ പോലീസ് സ്റ്റേഷനില്‍ ലൈസന്‍സുമായി ബന്ധപ്പെട്ട പ്രക്രിയകളില്‍ രജിസ്ട്രേഷന് പൂര്‍ത്തിയാക്കണം. ഹെല്‍സിങ്കി വിമാനത്താവളം ഉള്‍പ്പെടുന്ന മുനിസിപ്പാലിറ്റിയാണ് വന്താ.
ഈ രജിസ്ട്രേഷന് സമയത്ത് അപ്പോയന്‍മെന്റ് എടുക്കുകയും സാധുവായ ഫിസിക്കല്‍ പാസ്പോര്ട്ട് സമര്‍പ്പിക്കുകയും വേണം. കൂടാതെ യാത്രക്കാര്‍ സമ്മതപത്രം നല്‍കുകയും ഫോട്ടോ സമര്‍പ്പിക്കുകയും വേണം.
രജിസ്ട്രേഷന് ശേഷം യാത്രക്കാര്‍ക്ക് ഡിടിസി അഥവാ ഡിജിറ്റല്‍ പാസ്പോര്ട്ട് ഉപയോഗിച്ച് ഹെല്‍സിങ്കിയില്‍ നിന്ന് യുകെയിലേക്ക് യാത്ര ചെയ്യാന്‍ സാധിക്കും. 2024 ഫെബ്രുവരിയില്‍ ഡിജിറ്റല്‍ പാസ്പോര്ട്ടിന്റെ ട്രയല്‍ അവസാനിക്കുന്നത് വരെ യുകെയില്‍ നിന്നും തിരിച്ച് ഹെല്‍സിങ്കിയിലേക്കും യാത്ര ചെയ്യാം.
യാത്ര പുറപ്പെടുന്നതിന്റെ 36-4 മണിക്കൂറിനുള്ളില്‍ യാത്രക്കാര്‍ FIN DTC വഴി അവരുടെ വിവരങ്ങള്‍ ഫിന്നിഷ് ബോര്‍ഡര്‍ ഗാര്‍ഡിന് കൈമാറണം.
നിരവധി രാജ്യങ്ങള്‍ ഒന്നുകില്‍ ഫിന്‍ലാന്‍ഡിന് പിന്നാലെ ഡിജിറ്റല്‍ പാസ്പോര്ട്ട് വികസിപ്പിക്കുവാനുള്ള ശ്രമങ്ങള്‍ ആരംഭിച്ചിട്ടുണ്ട്. പോളണ്ട്, ദക്ഷിണ കൊറിയ, യുണൈറ്റഡ് സ്റ്റേറ്റ്‌സ്, ബ്രിട്ടണ്‍ എന്നീ രാജ്യങ്ങളും ഡിജിറ്റല്‍ പാസ്പോര്ട്ട് അവതരിപ്പിക്കാനുള്ള പണിപ്പുരയിലാണ്.
