ഇന്ത്യ- പാക് മത്സരം കാണാനായി ഇന്ത്യയിലെത്തുന്ന പാക് ആരാധകർക്ക് സന്തോഷവാർത്ത. വമ്പൻ ഡിസകൗണ്ടാണ് ഇവർക്കായി ട്രിപ്പ് പ്ലാനറായ മൈക്ക് മൈ ട്രിപ്പ് ഒരുക്കുന്നത്. പാകിസ്താൻ മത്സരം തോറ്റാലാണ് ഓഫർ ലഭിക്കുക. താമസത്തിനും ഭക്ഷണത്തിനും മറ്റ് സൗകര്യങ്ങൾക്കും വൻ ഡിസ്കൗണ്ട് ഓഫറാണ് പ്രഖ്യാപിച്ചിരിക്കുന്നത്. പാകിസ്താൻ ആരാധകർക്കുളള തുറന്ന കത്ത് എന്ന രീതിയിലാണ് ഈ പരസ്യം. ദിനപത്രിത്തിലാണ് പരസ്യം പങ്കുവെച്ചിരിക്കുന്നത്. മൂന്ന് തരം കൂപ്പൺ കോടുകളാണ് ഇതിനായി മെയ്ക്ക മൈ ട്രിപ്പ് അവതരിപ്പിച്ചിരിക്കുന്നത്.
10 വിക്കറ്റിനോ 200 റൺസിനോ പാകിസ്താൻ തോറ്റാൽ 50 ശതമാനം ഡിസ്കൗണ്ടാണ് ലഭിക്കുക. ബോയ്സ് പ്ലേയ്ഡ് വെൽ എന്ന കൂപ്പൺ കോഡാണ് ഇതിനായി ഉപയോഗിക്കുന്നത്. 6 വിക്കറ്റിനോ 100 റൺസിനോ പാകിസ്താൻ തോറ്റാൽ 30 ശതമാനം ഡിസ്കൗണ്ടാണ് ലഭിക്കുക. ഏക്ഷഹീൻഹാർ എന്നാണ് ഇതിനായി ഉപയോഗിക്കേണ്ട കൂപ്പൺ കോഡ്. നോ മൗക്ക മൗക്ക കൂപ്പൺ പ്രകാരം 3 വിക്കറ്റിനോ 50 റൺസിനോ തോറ്റാൽ 10 ശതമാനം കിഴിവാണ് ലഭിക്കുക.
ഇതിന് പിന്നാലെ നിരവധിപ്പേരാണ് വാർത്ത സമൂഹമാദ്ധ്യമങ്ങളിൽ പങ്കുവെച്ചിരിക്കുന്നത്. മുൻ ഇന്ത്യൻ ക്രിക്കറ്റ് താരം വിരേന്ദർ സെവാഗും വാർത്ത പങ്കുവെച്ചിട്ടുണ്ട്. ആര് നിങ്ങളെ ഇങ്ങനെ ക്ഷണിക്കുമെന്നാണ് അദ്ദേഹം ചോദിച്ചത്. സമൂഹമാദ്ധ്യമത്തിൽ പങ്കുവെച്ച വീരുവിന്റെ പോസ്റ്റും വലിയശ്രദ്ധ നേടിയിട്ടുണ്ട്.
