2023ലെ ടോപ് ഗോൾ സ്‌കോററായി പോർച്ചുഗീസ് ഫുട്‌ബോൾ ഇതിഹാസം ക്രിസ്റ്റിയാനോ റെണാൾഡോ. 2024 ലെ യൂറോ കപ്പ് യോഗ്യതമത്സരത്തിൽ ബോസ്‌നിയക്കെതിരെ നേടിയ ഇരട്ട ഗോളുകളാണ് താരത്തെ ഈ നേട്ടത്തിന് അർഹനാക്കിയത്. ഇതോടെ ഹാളണ്ടിനെയും എംബാപ്പെയും പിന്തള്ളി രാജ്യത്തിനായും ക്ലബ്ബിനായും ഏറ്റവും അധികം ഗോളുകൾ നേടുന്ന താരമെന്ന നേട്ടമാണ് റൊണോയെ തേടിയെത്തിയത്. ഇരട്ട ഗോളുകളിലൂടെ അന്താരാഷ്‌ട്ര കരിയറിലെ റൊണോയുടെ ഗോൾനേട്ടം 127 ആയി ഉയർന്നു. 2023ൽ ക്ലബ്ബിനായും രാജ്യത്തിനായും നേടിയ ഗോളുകളുടെ എണ്ണം 40 ആണ്.
39 ഗോളുകൾ നേടിയ ഹാളണ്ട് രണ്ടാമതും 35 ഗോളുകളുമായി എംബാപ്പെയാണ് മൂന്നാമതുമാണ്. മെസ്സി ഈ വർഷം ഇതുവരെ 26 ഗോളുകളാണ് നേടിയിട്ടുള്ളത്. സൗദി ക്ലബ്ബ് അൽ നസറിനായി റൊണാൾഡോ ഇതുവരെ 35 കളികളിൽ നിന്ന് 31 ഗോളുകളും ഏഴ് മത്സരങ്ങളിൽ നിന്ന് പോർച്ചുഗലിനായി ഒമ്പത് ഗോളുകളും നേടി. 12 വ്യത്യസ്ത കലണ്ടർ വർഷങ്ങളിൽ നിന്നായി 40ൽ അധികം ഗോളുകൾ നേടുന്ന താരമായി ഇതോടെ ക്രിസ്റ്റിയാനോ റൊണാൾഡോ മാറി. 2013ൽ നേടിയ 69 ഗോളുകളാണ് ഇതിൽ മികച്ചത്.
