നെതര്ലന്ഡിനെതിരെ റെക്കോര്ഡ് വിജയമാണ് ഇന്നലെ ഓസ്ട്രേലിയ കൈവരിച്ചത്. ബാറ്റര്മാര് ആറാടിയ മത്സരത്തില് ഡച്ചുബൗളര്മാര് അടിയേറ്റ് തളര്ന്നു. 309 റണ്സിന്റെ കൂറ്റന് വിജയമാണ് ഓസീസ് സ്വന്തമാക്കിയത്. ഇതിനിടെ ഓസ്ട്രേലിയന് താരങ്ങള് തമ്മിലുള്ള ഒരു സൗന്ദര്യ പിണക്കവും പുറത്തുവന്നു. അരുണ് ജയ്റ്റ്ലി സ്റ്റേഡിയത്തിലെ ലേസര് ഷോയെ സംബന്ധിച്ചായിരുന്നു ഇവരുടെ വിരുദ്ധ വാദങ്ങള്. വിജയത്തിന് ശേഷം കരിമരന്ന് പ്രയോഗവും ലേസര് ഷോയും സ്റ്റേഡിയത്തില് നടന്നിരുന്നു. രണ്ടുമിനിട്ട് ഷോയുടെ മുഴുവന് സമയം മാക്സ്വെല് കണ്ണുകള് പൊത്തിയാണ് ഗ്രൗണ്ടില് നിന്നത്.
‘ വലിയൊരു തലവേദനയാണ് അതെനിക്ക് സമ്മാനിച്ചത്. കണ്ണുകള്ക്കും വേദനയുണ്ട്. ക്രിക്കറ്റര്മാരെ സംബന്ധിച്ച് ഇത് മോശം ഐഡിയയാണ്. എന്നെകൊണ്ട് ആവുന്ന വിധം കണ്ണുകള് മൂടാന് ഞാന് ശ്രമിച്ചു. അങ്ങനയെ അത് അവഗണിക്കാനാകൂ. ഭയാനകമായ ആശയം ആരാധകര്ക്ക് നല്ലതാണെങ്കിലും ക്രിക്കറ്റര്മാര്ക്ക് അങ്ങനെയല്ല- മാക്സ്വെല് പറഞ്ഞു.
എന്നാല് സഹതാരത്തിന്റെ പരാമശമുള്ള ട്വിറ്റ് ഷെയര് ചെയ്താണ് മാക്സ് വെല്ലിന്റെ വാക്കുകളെ വാര്ണര് പരസ്യമായി എതിര്ത്തത്.’ലേസര് ഷോ എനിക്ക് വളരെ ഇഷ്ടപ്പെട്ടു, എന്തൊരു മനോഹര അന്തരീക്ഷം. ഇതെല്ലാം ആരാധകര്ക്കായാണ്. നിങ്ങളില്ലാതെ ഞങ്ങള്ക്കിഷ്ടമുള്ളത് ഒന്നും ചെയ്യാന് കഴിയില്ല,’- വാര്ണര് എക്സില് (ട്വിറ്റര്) പോസ്റ്റ് ചെയ്തു. മത്സരത്തില് ഇരുവരും സെഞ്ച്വറി നേടിയിരുന്നു.
I absolutely loved the light show, what an atmosphere. It’s all about the fans. Without you all we won’t be able to do what we love. 🙏🙏🙏 https://t.co/ywKVn5d5gc
— David Warner (@davidwarner31) October 25, 2023
“>