തിരുവനന്തപുരം: ആർഎസ്എസ് മുതിർന്ന പ്രചാരകൻ ആർ ഹരിയുടെ വിയോഗത്തിൽ അനുശോചനം രേഖപ്പെടുത്തി ഗവർണർ ആരിഫ് മുഹമ്മദ് ഖാൻ. കേരളത്തിൽ ആർഎസ്എസിന് നേതൃത്വം നൽകിയ പ്രഥമ പ്രചാരക് നഷ്ടമായെന്നും അദ്ദേഹത്തിന്റെ നിര്യാണത്തിൽ ഹൃദയംഗമമായ അനുശോചനം രേഖപ്പെടുത്തുന്നുവെന്നും ഗവർണർ പറഞ്ഞു.
തന്റെ ജീവിതം മാനവിക സേവനത്തിനായി സമർപ്പിച്ച വ്യക്തിയാണ് ആർ ഹരി. അദ്ദേഹത്തിന്റെ പുസ്തകങ്ങൾ ഇന്ത്യൻ മൂല്യങ്ങളും സംസ്‌കാരവും ഉയർത്തിപ്പിടിക്കട്ടെയെന്നും ഗവർണർ പറഞ്ഞു.
മുതിർന്ന ആർഎസ്എസ് പ്രചാരകനായിരുന്ന ആർ ഹരി വാർദ്ധക്യസഹജമായ അസുഖങ്ങളെ തുടർന്ന് ആശുപത്രിയിൽ ചികിത്സയിലിരിക്കെയാണ് ഇന്ന് അന്തരിച്ചത്. അറിയപ്പെടുന്ന എഴുത്തുകാരനും പ്രഭാഷകനുമായിരുന്ന അദ്ദേഹം ആർഎസ്എസ് അഖില ഭാരതീയ ബൗദ്ധിക് പ്രമുഖ് ആയി പ്രവർത്തിച്ചിരുന്നു. എഴുത്തുകാരൻ, സാമൂഹ്യ പ്രവർത്തകൻ, പ്രഭാഷകൻ എന്നീ നിലകളിലെല്ലാം അദ്ദേഹം സമാനതകളില്ലാത്ത പ്രവർത്തനങ്ങൾ നടത്തിയിട്ടുണ്ട്.
