തിരുവനന്തപുരം; തലസ്ഥാന വാസികളുടെ ഉറക്കം കെടുത്തുന്ന പീഡകനെ തേടി നാട്ടുകാരുടെ പരക്കം പാച്ചില്‍.വളര്‍ത്തുമൃഗങ്ങളെ പീഡിപ്പിച്ച കേസില്‍ തെളിവ് സഹിതം നല്‍കിയിട്ടും നടപടി സ്വീകരിക്കുന്നില്ലെന്ന് ആക്ഷേപിച്ചാണ് നാട്ടുകാര്‍ തന്നെ തെരച്ചിലിന് മുന്നിട്ടിറങ്ങുന്നത്.
ആറ്റിങ്ങല്‍ കല്ലമ്പലം പുല്ലൂര്‍മുക്ക് മുളയിലഴികം വീട്ടില്‍ അബ്ദുല്‍ഖരീമിന്റെ വളര്‍ത്തുമൃഗങ്ങളെ സ്ഥിരമായി പീഡിപ്പിക്കുകയും നാലുമാസം മാത്രം പ്രായമുള്ള ആട്ടിന്‍കുട്ടിയെ പീഡിപ്പിച്ച് കൊല്ലുകയും ചെയ്ത സംഭവത്തില്‍ സിസി.ടി.വി ദൃശ്യമടക്കം കല്ലമ്പലം പോലീസില്‍ പരാതി നല്‍കി ഒരുമാസം പിന്നിട്ടിട്ടും നടപടിയില്ലെന്നാണ് പരാതി.കല്ലമ്പലം പോലീസ് സംഭവത്തില്‍ ഒരാളെ കസ്റ്റഡിയിലെടുത്തെങ്കിലും അന്വേഷണത്തില്‍ പുരോഗതിയില്ലെന്ന് അബ്ദുല്‍ ഖരീം ആരോപിച്ചു.
പൂര്‍ണ നഗ്‌നനായ ഒരു അജ്ഞാതന്‍ പുലര്‍ച്ചെ മൂന്നരയ്‌ക്ക് കുളിമുറിയില്‍ കയറി അടിപ്പാവാട ധരിക്കുകയും തൊഴുത്തില്‍ പോകുന്നതും ക്യാമറയില്‍ പതിഞ്ഞിരുന്നു. ഇതിനിടയില്‍ നാലുമാസം പ്രായമായ പെണ്‍ ആട്ടിന്‍ കുട്ടിയെകാണാതായി. രണ്ട് ദിവസം കഴിഞ്ഞ് മറ്റൊരു പറമ്പില്‍ ജഡം കണ്ടെത്തി. ആട്ടിന്‍കുട്ടി പലതവണ പീഡത്തിനിരയായെന്ന് ഉടമ പറഞ്ഞു.
കഴുകി ഉണങ്ങാനിട്ടിരുന്ന സ്ത്രീകളുടെ വസ്ത്രങ്ങള്‍ക്കും കുളിമുറിയിലെ സോപ്പിനും എണ്ണയ്‌ക്കും മറ്റും സ്ഥാനചലനം സംഭവിക്കുന്നത് പതിവായതോടെ സി.സി.ടിവി ക്യാമറ വച്ചതോടെയാണ് മൃഗങ്ങളെ പീഡിപ്പിക്കുന്നത് കണ്ടത്.വിവരം കല്ലമ്പലം പോലീസില്‍ അറിയിച്ചതിനെത്തുടര്‍ന്ന് പൊലീസ് ഇന്‍ക്വസ്റ്റ് തയ്യാറാക്കി ആട്ടിന്‍ കുട്ടിയുടെ പോസ്റ്റ്‌മോര്‍ട്ടം നടത്തി. നിരന്തരം പീഡനത്തിനിരയായ പശുക്കുട്ടി അവശതയില്‍ ചികിത്സയിലാണ്.
