ന്യൂഡൽഹി: രാജ്യത്തെ ഏഴ് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റുകൾ(IIM) വാഗ്ദാനം ചെയ്യുന്ന മാനേജ്മെന്റ് ഫെല്ലോഷിപ്പ് പ്രോഗ്രാമുകൾ പിഎച്ച്ഡി ബിരുദത്തിന് തുല്യമാണെന്ന് വിദ്യാഭ്യാസ മന്ത്രാലയം വ്യക്തമാക്കി. കേന്ദ്ര സർക്കാരിന് കീഴിൽ വരുന്ന തൊഴിലുകൾ നേടുന്നതിനും മറ്റ് ഉയർന്ന ഉദ്യോഗസ്ഥതല ജോലികളിലേക്കും അപേക്ഷിക്കാൻ ഈ ബിരുദത്തിന് അർഹതയുണ്ടെന്നും മന്ത്രാലയം അറിയിച്ചു.
നിലവിൽ അഹമ്മദാബാദ്, ബെംഗളൂരു, കൽക്കട്ട, ലക്നൗ, കോഴിക്കോട്, മുംബൈ തുടങ്ങിയ സ്ഥലങ്ങളിലാണ് പിഎച്ച്ഡി ബിരുദം വാഗ്ദാനം ചെയ്യുന്നത്. 2017-ലെ ഐഐഎം ആക്ട് പ്രാബല്യത്തിൽ വന്നതോടെയാണ് മറ്റ് ഐഐഎമ്മുകളും ഡോക്ടറൽ ഡിഗ്രി വാഗ്ദാനം ചെയ്യുന്ന പ്രോഗ്രാമുകൾ വിദ്യാർത്ഥികൾക്കായി നൽകാൻ തുടങ്ങിയത്. പബ്ലിക് പോളിസി, ഫിനാൻസ്, അക്കൗണ്ടിംഗ്, എക്കണോമിക്സ് തുടങ്ങിയ മേഖലകളിൽ വിപുലമായ ഗവേഷണം നടത്താൻ ആഗ്രഹിക്കുന്ന വിദ്യാർത്ഥികൾക്കായാണ് ഐഐഎമ്മുകളിൽ വിവിധ പ്രോഗ്രാമുകൾ വാഗ്ദാനം ചെയ്യുന്നത്.
