ശ്രീനഗർ: ലഷ്കർ ഭീകരനെ വകവരുത്തി സുരക്ഷാ സേന. ജമ്മു കശ്മീരിലെ ഷോപ്പിയാനിലെ കതോഹലൻ പ്രദേശത്താണ് സംഭവം. ലഷ്കർ-ഇ-ത്വയ്ബയുടെ നിരോധിത സംഘടനയായ ദി റെസിസ്റ്റൻസ് ഫ്രണ്ടുമായി (ടിആർഎഫ്) ബന്ധമുള്ള ഭീകരനെയാണ് വധിച്ചത്.
ഇന്ത്യൻ സൈന്യവും പോലീസും സംയുക്തമായി നടത്തിയ ഓപ്പറേഷനിലായിരുന്നു ഭീകരനെ വധിച്ചത്. നീണ്ട ഏറ്റുമുട്ടലിനൊടുവിലാണ് ലഷ്കർ ഭീകരനെ വകവരുത്താൻ സുരക്ഷാ സേനയ്‌ക്ക് കഴിഞ്ഞത്. സംഭവ സ്ഥലത്ത് നിന്ന് ആയുധങ്ങളും വെടിക്കോപ്പുകളും കണ്ടെടുത്തിട്ടുണ്ട്. പ്രദേശം സുരക്ഷാ സേന വളഞ്ഞിരിക്കുകയാണ്. അന്വേഷണം പുരോഗമിക്കുന്നതായും കൂടുതൽ വിവരങ്ങൾ ഉടൻ പുറത്തുവിടുമെന്നും സേന അറിയിച്ചു.
