പോക്കിരിരാജ, മധുരരാജ എന്നീ സൂപ്പർ ചിത്രങ്ങൾക്ക് ശേഷം മമ്മൂട്ടിയെ നായകനാക്കി വൈശാഖ് സംവിധാനം ചെയ്യുന്ന ‘ടർബോ’ ചിത്രത്തിന്റെ ഓരോ അപ്ഡേറ്റുകളും പ്രേക്ഷകർ ഏറെ പ്രതീക്ഷിയോടെയാണ് കാത്തിരിക്കുന്നത്. മിഥുൻ മാനുവലിന്റെ തിരക്കഥയിൽ ഒരുങ്ങുന്ന ‘ടർബോ’യുടെ മറ്റൊരു അപ്ഡേഷനാണ് ഇപ്പോൾ സിമനിമാപ്രേമികൾ വളരെ ആവേശത്തോടെ ഏറ്റെടുത്തിരിക്കുന്നത്.
സ്റ്റൈലിഷ് സ്റ്റാർ അല്ലുഅർജുൻ നായകനായി എത്തിയ പുഷ്പ സിനിമയിലെ വില്ലൻ കഥാപാത്രമായ മംഗളം സീനുവിനെ മറക്കാൻ സാധിക്കില്ല. നായകനായും വില്ലനായും തമിഴിലും തെലുങ്കിലും ഒരു പോലെ തിളങ്ങിയ തെലുങ്ക് സൂപ്പർസ്റ്റാർ സുനിൽ, മലയാളത്തിലേക്കും വരവറിയിക്കുകയാണ്. ടർബോയിൽ പ്രധാനവേഷത്തിൽ താരവും ഉണ്ടാകുമെന്ന വാർത്തയാണ് ഇപ്പോൾ മമ്മൂട്ടി കമ്പനി സമൂഹമാദ്ധ്യമത്തിലൂടെ പങ്കുവച്ചിരിക്കുന്നത്. സുനിൽ അഭിനയിക്കുന്ന ആദ്യ മലയാള സിനിമയാണ് ടർബോ.
മമ്മൂട്ടി കമ്പനി നിർമ്മിക്കുന്ന അഞ്ചാമത്തെ സിനിമയായ ടർബോയുടെ ഛായാഗ്രഹണം ഒരുക്കുന്നത് വിഷ്ണു ശർമ്മയാണ്. ജസ്റ്റിൻ വർഗീസാണ് ചിത്രത്തിന് സംഗീതം പകരുന്നത്. കേരളത്തിൽ ചിത്രത്തിന്റെ ഡിസ്ട്രിബ്യൂഷൻ ദുൽഖർ സൽമാന്റെ ഉടമസ്ഥതയിലുള്ള വേഫർ ഫിലിംസും ഓവർസീസ് റിലീസ് ട്രൂത്ത് ഗ്ലോബൽ ഫിലിംസും ചേർന്നാണ് നടത്തുന്നത്. എന്തായാലും മമ്മൂട്ടിയുടെ വില്ലനായിട്ടാണോ സുനിൽ എത്തുന്നത് എന്നറിയാനുള്ള ആകാംക്ഷയിലാണ് ആരാധകർ.
എക്സിക്യൂട്ടീവ് പ്രൊഡ്യുസർ: ജോർജ് സെബാസ്റ്റ്യൻ, പ്രൊഡക്ഷൻ ഡിസൈനർ: ഷാജി നടുവിൽ, ആക്ഷൻ ഡയറക്ടർ: ഫീനിക്സ് പ്രഭു, ലൈൻ പ്രൊഡ്യൂസർ: സുനിൽ സിംഗ്, കോ-ഡയറക്ടർ: ഷാജി പടൂർ, കോസ്റ്റ്യൂം ഡിസൈനർ: മെൽവി ജെ & ആഭിജിത്ത് (മമ്മൂട്ടി), മേക്കപ്പ്: റഷീദ് അഹമ്മദ് & ജോർജ് സെബാസ്റ്റ്യൻ (മമ്മൂട്ടി), പ്രൊഡക്ഷൻ കൺട്രോളർ: ആരോമ മോഹൻ, ചീഫ് അസോസിയേറ്റ് ഡയറക്ടർ: രാജേഷ് ആർ കൃഷ്ണൻ, പബ്ലിസിറ്റി ഡിസൈൻസ്: യെല്ലോ ടൂത്ത്. ഡിജിറ്റൽ മാർക്കറ്റിങ് : വിഷ്ണു സുഗതൻ തുടങ്ങിയവരാണ് സിനിമയിലെ അണിയറ പ്രവർത്തകർ.