മലയാളികളുടെ പ്രിയപ്പെട്ട നടിയാണ് പാർവതി. മലയാള സിനിമയിലേക്കുള്ള താരത്തിന്റെ തിരിച്ചു വരവിനായി കാത്തിരിക്കുകയാണ് പ്രേക്ഷകർ. ഇപ്പോഴിതാ, ആരാധകരുടെ ചോദ്യത്തിനുള്ള മറുപടി നൽകിയിരിക്കുകയാണ് മകൻ കാളിദാസ് ജയറാം. ഒരു അഭിമുഖത്തിനിടയിലായിരുന്നു അമ്മ എന്നാണ് സിനിമയിലേക്ക് വരുന്നതെന്ന് കാളിദാസ് പറഞ്ഞത്.
‘അമ്മയോട് സിനിമയിലേക്ക് തിരിച്ചു വരാനും വീണ്ടും അഭിനയിക്കാനും ഞങ്ങള് പറഞ്ഞിരുന്നു. എന്നാല് അമ്മക്ക് ചെയ്യാന് പറ്റുന്ന അല്ലെങ്കില് ചെയ്യണമെന്ന് തോന്നുന്ന സിനിമ വരണം. അങ്ങനെ ഒരു സിനിമ വന്നാല് അമ്മക്ക് ചെയ്യാന് താത്പര്യമുണ്ട്. പക്ഷേ, അമ്മക്ക് ഏറ്റവും ഇഷ്ടം വീട്ടില് ഞങ്ങളുടെ കൂടെ ചില് ചെയ്തിരിക്കാനാണ്.
ഞാനും എല്ലാവരെയും പോലെ അമ്മ സിനിമയിലേക്ക് വരുന്നത് പ്രതീക്ഷിച്ചിരിക്കുകയാണ്. എനിക്ക് അമ്മയുടെ കൂടെ ഒരു സിനിമ ചെയ്യാന് വലിയ ആഗ്രഹമുണ്ട്. പക്ഷെ അതിനെല്ലാം മുമ്പായി അമ്മയ്ക്ക് ഇഷ്ടപ്പെടുന്ന കഥ വരണം. എങ്കിലെ ഇതൊക്കെ നടക്കുകയുള്ളു.’- കാളിദാസ് ജയറാം പറഞ്ഞു.