ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോയുടെ വലിയ ആരാധകനാണ് മുഹമ്മദ് സിറാജ്. ലോകകപ്പിലെ വിക്കറ്റ് നേട്ടത്തിലും ഇഷ്ടതാരത്തെ കളത്തിൽ താരം അനുകരിക്കാറുണ്ട്. . എന്നാൽ ഇത്തവണ വിക്കറ്റ് നേട്ടത്തിൽ സിറാജ് റൊണോയെ അനുകരിച്ചില്ല. പകരം അനുകരിച്ചതാകട്ടെ വിരാട് കോഹ്ലിയും. സിറാജിനൊപ്പെം വിരാടും ചേർന്നതോടെ SUII ആഘോഷത്തിൽ ചിന്നസ്വാമി സ്റ്റേഡിയം ഇളകി മറിഞ്ഞു. വെസ്ലി ബറേസിയുടെ വിക്കറ്റ് എടുത്തതോടെയാണ് സിറാജിനൊപ്പം കിംഗും SUII ആഘോഷം അനുകരിച്ച് വിക്കറ്റ് നേട്ടത്തിൽ പങ്കാളിയായത്. മുമ്പും വിക്കറ്റ് വീഴ്ത്തുമ്പോൾ സ്യൂ ആഘോഷവുമായി സിറാജ് ഫുട്ബോൾ ആരാധകരെയും കൈയിലെടുത്തിരുന്നു.
അതേസമയം, നെതർലാൻഡ്സിനെതിരായ മത്സരത്തിൽ ഏകദിന ലോകകപ്പിലെ ആദ്യ വിക്കറ്റും വിരാട് കോഹ്ലി സ്വന്തമാക്കി. നെതർലൻഡ്സിനെതിരായ മത്സരത്തിൽ സ്കോട്ട് എഡ്വേർഡ്സിനെ പുറത്താക്കിയാണ് കോഹ്ലി വിക്കറ്റ് നേട്ടം ആഘോഷിച്ചത്. തന്റെ രണ്ടാം ഓവറിലാണ് കോഹ്ലി വിക്കറ്റ് വീഴ്ത്തിയത്.