കണ്ണൂര്‍: കോളയാട് പെരുവയിൽ കൃഷിയിടത്തിൽ കാട്ടാന പ്രസവിച്ചു. പാറക്കുണ്ട് കോളനിയിലെ ജയന്റെ കവുങ്ങിൻ തോട്ടത്തിലായിരുന്നു കാട്ടാന പ്രസവിച്ചത്. കഴിഞ്ഞ ദിവസമാണ് സംഭവം നടന്നത്.
സംഭവം അറിഞ്ഞ ഉടൻ തന്നെ വനം വകുപ്പ് ജീവനക്കാരെത്തി കാട്ടാനക്കൂട്ടത്തെ വനത്തിലേക്ക് തുരത്താനുള്ള ശ്രമം ആരംഭിച്ചിട്ടുണ്ട്. എന്നാൽ, ആനക്കുട്ടി നന്നായി നടക്കുന്നതുവരെ കാട്ടാനക്കൂട്ടം പ്രദേശത്ത് തമ്പടിക്കാൻ സാധ്യതയുണ്ടെന്ന് വനം വകുപ്പ് പറഞ്ഞു. പ്രദേശത്ത് കഴിഞ്ഞ ആഴ്ചയിൽ കാട്ടാനകൾ വ്യാപകമായി കൃഷി നശിപ്പിച്ചിരുന്നു.
