കോളേജിൽ നിന്നും വീട്ടിലേക്ക് മടങ്ങവെ അപകടം; വിദ്യാർത്ഥിക്ക് ദാരുണാന്ത്യം

പത്തനംതിട്ട: എംസി റോഡിൽ അടൂർ മിത്രപുരത്ത് വാഹനാപകടത്തിൽ ബൈക്ക് അപകടത്തിൽ വിദ്യാർത്ഥിക്ക് ദാരുണാന്ത്യം. പെരുമ്പുളിക്കൽ സ്വദേശി അഭിറാം ആണ് മരിച്ചത്. 21 വയസായിരുന്നു. മിത്രപുരം മാർ ക്രിസോസ്റ്റം കോളേജിലെ മൂന്നാം വർഷ വിദ്യാർത്ഥിയാണ്.

കോളേജിൽ നിന്നും വീട്ടിലേക്ക് ബൈക്കിൽ പോകവെ എതിർ ദിശയിൽ വന്ന കാർ അഭിറാമിനെ ഇടിക്കുകയായിരുന്നു. അപകടത്തിന് പിന്നാലെ കാർ നിർത്താതെ പോയി. പരിക്കേറ്റ അഭിറാമിനെ പന്തളത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.