തിരിമറി ആദ്യം പന്തില്‍ പിന്നെ ഡി.ആര്‍.എസില്‍ ഇപ്പോള്‍ ടോസില്‍.! രോഹിത് അത് ചെയ്തു, വിറളി പൂണ്ട് പുത്തന്‍ ആരോപണവുമായി പാക് മുന്‍താരം

ആദ്യം പന്തിലായിരുന്നു കൃത്രിമം കാണിച്ചതെങ്കില്‍ പിന്നീട് അത് ഡി.ആര്‍.എസിലായിരുന്നു എന്നാല്‍ ഇതൊക്കെ ഇപ്പോള്‍ മാറി, ടോസിലാണ് ഇന്ത്യ തട്ടിപ്പ് നടത്തിയതെന്നാണ് ഒരു പാകിസ്താന്‍ മുന്‍ താരത്തിന്റെ ആരോപണം. ന്യൂസിലന്‍ഡിനെ തകര്‍ത്ത് ഇന്ത്യ ഫൈനല്‍ ബെര്‍ത്ത് ഉറപ്പിച്ചതിന് പിന്നാലെയായിരുന്നു മുന്‍ താരത്തിന്റെ പരാമര്‍ശം. രോഹിത് ശര്‍മ്മ എതിര്‍താരത്തിന് കാണാത്തവിധം കോയിന്‍ ഉയരത്തിലേക്ക് ടോസ് ചെയ്‌തെന്നാണ് ആരോപണം.

ഒട്ടു പരിചിതമല്ലാത്ത പ്രവൃത്തി, രോഹിത് ശര്‍മ്മ കോയിന്‍ വളരെ ഉയരത്തിലേക്കാണ് ടോസ് ചെയ്തത്. എതിര്‍ ടീമിലെ ക്യാപ്റ്റന് കാണാനാകാത്ത വിധം ഉയരെ..നിങ്ങള്‍ മറ്റുള്ള ക്യാപ്റ്റന്മാരെ താരതമ്യം ചെയ്തു നോക്കൂ.. ഇതിന് പിന്നില്‍ എന്തെങ്കിലും കാരണമുണ്ടോ? ഇത്തരം കുറുക്കുവഴികള്‍ ഇന്ത്യയുടെ വിജയത്തിന് സഹായിക്കും. ക്രിക്കറ്റില്‍ ടോസിന് വളരെ പ്രാധാന്യമുണ്ട്.-സിക്കന്ദര്‍ ഭക്ത് പറഞ്ഞു.

ഇന്ത്യ പന്തിലും ഡിആര്‍എസിലും കൃത്രിമം കാട്ടിയെന്ന് പറഞ്ഞ് രംഗത്തെത്തിയത് പാകിസ്താന്‍ താരം ഹസന്‍ റാസയാണ്. ഇതിന് പിന്നാലെ എയറിലായ താരത്തിനെതിരെ വ്യാപക വിമര്‍ശനമുയര്‍ന്നു. മുന്‍ താരങ്ങളും റാസയിലെ വിമര്‍ശിച്ചിരുന്നു.

Very strange the way Rohit Sharma throw the coin at toss, far away, don’t let other Captains to see, compare to other Captains in the WC , any reason?? @BCCI @TheRealPCB @CricketAus @CricketSouthAfrica #sikanderbakht #WorldCup23 #IndiaVsNewZealand @ImRo45 @ICC pic.twitter.com/KxhR2QyUZm

— Sikander Bakht (@Sikanderbakhts) November 15, 2023

“>