മനുഷ്യശരീരത്തിലെ എല്ലാ പ്രവർത്തനങ്ങളെയും നിയന്ത്രിക്കുന്നത് തലച്ചോറാണ്. ചെറുവിരൽ അനക്കുന്നത് മുതൽ ചിന്തിക്കാൻ വരെ ഈ തലച്ചോറാണ് ആവശ്യം. എന്നാൽ നമ്മളിൽ എത്രപേർ തലച്ചോറിന്റെ ആരോഗ്യം സംരക്ഷിക്കുന്നുണ്ട്? തലച്ചോറിനെ വേണ്ട രീതിയിൽ പരിപാലിച്ചില്ലെങ്കിൽ ഭാവിയിൽ വൻ വിപത്തുകളെ അഭിമുഖീകരിക്കേണ്ടി വരും. വളരെ നിസാരമായി തലച്ചോറിനെ സംരക്ഷിക്കാൻ ചില വഴികളുണ്ട്. ചില കാര്യങ്ങളോട്, ശീലങ്ങളോട് ‘നോ’ പറഞ്ഞും മറ്റ് ചിലതിനോട് ‘യെസ്’ പറഞ്ഞും തലച്ചോറിനെ കാക്കാം…
- പ്രഭാത ഭക്ഷണത്തോട് ‘നോ’ പറയാതിരിക്കുക. പ്രഭാതഭക്ഷണം തുടര്ച്ചയായി ഒഴിവാക്കുന്നത് തലച്ചോറിന്റെ ആരോഗ്യത്തെ ബാധിക്കാം.
- അമിത ആഹാരത്തോട് ‘നോ’ പറയാൻ പഠിക്കണ്ടേതാണ്. അമിത ഭക്ഷണം പൊണ്ണത്തടിക്കൊപ്പം മാനസികാരോഗ്യത്തെയും ബാധിക്കുന്നു. തലച്ചോറിലേക്ക് രക്തമെത്തിക്കുന്ന ധമനികളെ കട്ടിയാക്കാൻ അമിതാഹാരത്തിന് കഴിയും.
- അമിതമായി പഞ്ചസാരയും ഉപയോഗിക്കുന്നത് തലച്ചോറിന്റെ ആരോഗ്യത്തെ ബാധിക്കും. അധിക പഞ്ചസാര ശരീരത്തെ പോഷകഗുണമുള്ള ഘടകങ്ങളെ സ്വീകരിക്കുന്നതിൽ നിന്ന് തടസമാക്കും. ഇത് തലച്ചോറിനെയും ബാധിക്കുന്നു.
- അടുത്തതായി നോ പറയേണ്ടത് പുകവലിയോടാണ്. തലച്ചോറിന്റെ കോശങ്ങള് ചുരുങ്ങിപോകാനും ഇതുവഴി ഓര്മ്മക്കുറവ് പോലുള്ള രോഗങ്ങളെ ക്ഷണിച്ചുവരുത്താനും പുകവലി കാരണമാകും.
- മുഖം മൂടി പുതച്ചുള്ള ഉറക്കത്തിനോടും നോ പറയണം. കാരണം, മുഖം മൂടിയുള്ള ഉറക്കം തലച്ചോറിനും ശരീരത്തിനും നല്ലതല്ല. ഉറങ്ങുമ്പോള് ആവശ്യത്തിനുള്ള ഓക്സിജന് സ്വീകരിക്കുന്നതിന് ഇത് കാരണമാകും. തല മൂടിപ്പുതക്കുന്നത് കൊണ്ട് തന്നെ ശരീരം പുറന്തള്ളുന്ന കാര്ബണ് ഡയോക്സൈഡ് ഉയര്ന്ന അളവില് ശ്വസിക്കുന്നതിനും കാരണമാകുന്നു.
- മേൽ പറയുന്നതിനോട് കണ്ണുമടച്ച് നോ പറയുന്നതിനൊപ്പം ഇനി പറയുന്ന കാര്യത്തോട് യെസ് പറയാനും കഴിയണം. എല്ലാവർക്കും ഇഷ്ടമുള്ള ഉറക്കത്തോടാണ് യെസ് പറയേണ്ടത്. ആവശ്യത്തിന് ഉറക്കം തലച്ചോറിന്റെ പ്രവർത്തനങ്ങൾക്ക് അത്യന്താപേക്ഷിതമാണ്. എപ്പോഴുമുള്ള ഉറക്കമില്ലായ്മ മസ്തിഷ്ക കോശങ്ങളെ നശിപ്പിക്കും. ഒരു ദിവസത്തെ മാനസിക, ശാരീരിക സമ്മര്ദം നീക്കുന്നതിനും പിരിമുറുക്കം ഒഴിവാക്കി ശരീരത്തിന് പുതുജീവന് നല്കുന്നതും ഉറക്കം സഹായിക്കും
