ന്യൂഡൽഹി : കളങ്കമില്ലാത്ത കൃഷ്ണഭക്തി മാറ്റി മറിച്ച ജീവിതമാണ് ഷീബു കൃഷ്ണ ദാസിയുടേത് . മുഹമ്മദ് ജാവേദ് എന്ന യുവാവാണ് കൃഷ്ണ ഭക്തിയിലൂടെ സനാതനധർമ്മത്തിലേയ്‌ക്ക് എത്തിയത് . ഒരു മുസ്ലീം കുടുംബത്തിൽ ജനിച്ച മുഹമ്മദ് ജാവേദ് കുട്ടിക്കാലം മുതൽ ശ്രീകൃഷ്ണ ഭക്തനായിരുന്നു . ഇന്ന് ഇസ്ലാം മതം ഉപേക്ഷിച്ച് സനാതനധർമ്മം സ്വീകരിച്ച ജാവേദ് ഷീബു കൃഷ്ണദാസി എന്ന പേരിലാണ് അറിയപ്പെടുന്നത്.
ബിഹാറിലെ ബേട്ടിയയിലാണ് ഷീബു കൃഷ്ണദാസിയുടെ ജനനം . പതിനൊന്നാം വയസ്സിൽ ഡൽഹിയിലെ അമ്മാവന്റെ വീട്ടിൽ താമസിക്കാൻ പോയ താൻ അടുത്തുള്ള ഒരു കടയിൽ ജോലി ചെയ്യാൻ തുടങ്ങി . ഈ ജോലിക്ക് പ്രതിമാസം 2000 രൂപ കിട്ടുമായിരുന്നു.
ആ കടയിൽ കൃഷ്ണ എന്ന് എഴുതിയ പോളിത്തീൻ കവർ വരാറുണ്ടായിരുന്നു . അവിടെ വച്ചാണ് ആദ്യമായി ശ്രീകൃഷ്ണന്റെ ചിത്രം കാണുന്നത് . ആ ഫോട്ടോ നോക്കിയപ്പോൾ ശ്രീകൃഷ്ണൻ തന്നെ വീണ്ടും വീണ്ടും നോക്കുന്നതായാണ് തോന്നിയത് . ക്രമേണ മനസ് കൃഷ്ണ ഭക്തിയിലേക്ക് നീങ്ങി. പിന്നാലെ മാംസാഹാരം നിർത്തി സസ്യാഹാരിയായി.
കൃഷ്ണഭക്തനായ ശേഷം പലതവണ വീട്ടുകാർ തന്നെ ഭൂതോച്ചാടനത്തിനായി വ്യാജ ബാബമാരുടെ അടുത്തേക്ക് കൊണ്ടുപോയതായി അദ്ദേഹം പറയുന്നു . അത് ഫലിക്കാതെ വന്നപ്പോൾ, ഒരു സൈക്യാട്രിസ്റ്റിന്റെ അടുത്തേക്ക് കൊണ്ടുപോയി, അവിടെ എനിക്ക് വിഷാദത്തിനുള്ള നിരവധി മരുന്നുകൾ തന്നു, പക്ഷേ ഞാൻ ഒരു തരത്തിലും വിഷാദരോഗിയായിരുന്നില്ല. എന്നെ നിർബന്ധിച്ച് മരുന്നുകൾ കഴിച്ചു. എന്നിട്ടും എന്നെ ബലമായി നമസ്കരിക്കാൻ കൊണ്ടുപോയി. എനിക്ക് കുറച്ച് ദിവസത്തേക്ക് വിഷാദത്തിനുള്ള മരുന്ന് നൽകി, അത് മോശം ഫലങ്ങൾ ഉണ്ടാക്കി. .- കൃഷ്ണദാസി പറഞ്ഞു.
വൈകാതെ മുസ്ലീം മതം ഉപേക്ഷിച്ച് സനാതനധർമ്മം സ്വീകരിച്ചു . എന്നാൽ നമ്മളെല്ലാം നേരത്തെ ഹിന്ദുക്കളായിരുന്നുവെന്നാണ് കൃഷ്ണദാസി പറയുന്നത്. ഹിന്ദു എന്നത് മതം മാത്രമല്ല അത് ഭാരതീയരുടെ ജീവിതരീതി തന്നെയാണെന്നും അദ്ദേഹം പറയുന്നു . കുടുംബാംഗങ്ങളും പലരും അദ്ദേഹത്തിൽ സമ്മർദ്ദം ചെലുത്തിയെങ്കിലും അദ്ദേഹം കൃഷ്ണനോടുള്ള ഭക്തി ഉപേക്ഷിച്ചില്ല. മുസ്ലീം സമുദായത്തിൽ നിന്ന് തനിക്ക് ഇപ്പോഴും വധഭീഷണിയുണ്ടെന്നും അദ്ദേഹം പറഞ്ഞു.
സനാതന ധർമ്മത്തിൽ ചേർന്നശേഷമാണ് സമാധാനം എന്താണെന്ന് അറിഞ്ഞത് . മനസിന് നല്ല സുഖം തോന്നി . മാസത്തിൽ പല പ്രാവശ്യം വൃന്ദാവനത്തിൽ പോകുമെന്നും കുറച്ച് നാളുകൾക്ക് ശേഷം താൻ വൃന്ദാവനത്തിൽ താമസിക്കാൻ തുടങ്ങുമെന്നും അദ്ദേഹം പറയുന്നു.
