കണ്ണൂർ: പൊതുവേദിയിൽ കെ.കെ ഷൈലജയ്‌ക്കെതിരെ മുഖ്യമന്ത്രി പിണറായി വിജയൻ. മട്ടന്നൂരിലെ നവകേരള സദസിൽ സംസാരിക്കവെയാണ് മുഖ്യമന്ത്രിയുടെ വിമർശനം. വേദിയിൽ കെ.കെ ശൈലജ കൂടുതൽ സമയം സംസാരിച്ചതാണ് മുഖ്യമന്ത്രിയെ ചൊടിപ്പിച്ചത്. ശൈലജ ഒരുപാട് സംസാരിച്ചതിനാൽ താൻ അധികം സംസാരിക്കുന്നില്ലെന്ന് മുഖ്യമന്ത്രി വേദിയിൽ പറഞ്ഞു.
ഇവിടത്തെ ജനങ്ങളെ നിരന്തരം കാണുന്ന അദ്ധ്യക്ഷക്ക് കൂടുതൽ സംസാരിക്കണമെന്ന് തോന്നിപ്പോയി. ആ സമയം കുറച്ച് കൂടുതലായി പോയി. അതുകൊണ്ട് ഇനിയുള്ള സമയം ചുരക്കുവാണ്. 21 പേരാണ് നവകേരള സദസിൽ ഉള്ളതെങ്കിലും 3 പേര് സംസാരിക്കുക എന്ന ക്രമമാണുള്ളത്. ആ ക്രമീകരണത്തിന് മട്ടന്നൂരിൽ കുറവ് വന്നുവെന്ന് മുഖ്യമന്ത്രി പറഞ്ഞു.
