രോഹിത് ശര്‍മ്മയ്‌ക്ക് പിന്നാലെ വൈറ്റ് ബോള്‍ ക്രിക്കറ്റിനോട് അകന്ന് വിരാട് കോലിയും. ദക്ഷിണാഫ്രിക്കയ്‌ക്കെതിരുയുള്ള ടെസ്റ്റ് പരമ്പരയ്‌ക്ക് മുന്നോടിയായി ഒരു മാസത്തെ വിശ്രമം ആവശ്യപ്പെട്ടെന്ന് വിവരം. വിരാടിനൊപ്പം രോഹിത്തും വിശ്രമം ചോദിച്ചിട്ടുണ്ട്.
ഡിസംബര്‍ 17ന് ദക്ഷിണാഫ്രിക്കയ്‌ക്കെതിരെ ആരംഭിക്കുന്ന ഏകദിന പരമ്പരിയില്‍ കെ.എല്‍ രാഹുല്‍ ക്യാപ്റ്റനായേക്കും. ഇക്കാര്യം ഔദ്യോഗികമായി പ്രഖ്യാപിച്ചിട്ടില്ല.
രോഹിതും വിരാടും നേരത്തെ തന്നെ ടി20യോട് അകന്ന് നില്‍ക്കുകയാണ്. ഇരവരും 2022 ലോകകപ്പിലാണ് അവാസനമായി ഇന്ത്യക്ക് വേണ്ടി ടി20 കളിച്ചത്. സെമിയില്‍ ഇംഗ്ലണ്ടിനോട് തോറ്റ് പുറത്താവുകയായിരുന്നു ഇന്ത്യ.
പിന്നീട് ഹാര്‍ദിക്കാണ് ടി20യില്‍ നായകനായത്. ലോകകപ്പിനിടെ ഹാര്‍ദിക്കിന് പരിക്കേറ്റതോടെയാണ് ഓസ്‌ട്രേലിയക്കെതിരെ സൂര്യക്ക് ക്യാപ്റ്റന്‍ സ്ഥാനത്തേക്ക് നറുക്ക് വീണത്.
