അവധിക്കാലം കളറാക്കാൻ പല പദ്ധതികളും മെനയുന്നവരാണ് നമ്മിൽ പലരും. യാത്രകൾ ഇഷ്ടപ്പെടുന്നവരാണെങ്കിൽ ഒരു ട്രാവൽ ലിസ്റ്റ് തന്നെ ഇവരുടെ പക്കലുണ്ടാവും. സാധാരണയായി അവധി ദിനങ്ങളിൽ പലപ്പോഴും നാം കുന്നുകളും, മലനിരകളും ബീച്ചുകളുമൊക്കെയല്ലേ തേടി പോവുക? എപ്പോഴെങ്കിലും ഇതിൽ നിന്നും ഒരു വ്യത്യസ്ത വേണെമെന്ന് തോന്നിയിട്ടുണ്ടെങ്കിൽ നിങ്ങൾക്ക് ഇനി പറയുന്ന ഇടങ്ങളിലെ സാംസ്‌കാരിക ഉത്സവങ്ങളിൽ പങ്കെടുക്കാൻ പോകാം. ഡിസംബറിൽ സന്ദർശിക്കേണ്ട സാംസ്‌കാരിക ഉത്സവങ്ങൾ ഇവയാണ്. ടിക്കറ്റുകൾ ബുക്ക് ചെയ്യാൻ തയ്യാറായിക്കോളൂ..
കുംഭൽഗഡ് ഫെസ്റ്റിവൽ
ഡിസംബർ ഒന്ന് മുതലാണ് കുംഭൽഗഡ് ഫെസ്റ്റിവൽ ആരംഭിക്കുന്നത്. രാജസ്ഥാനിലെ തനത് സാംസ്‌കാരികോത്സവമാണ് കുംഭൽഗഡ് ഉത്സവം. തലയിൽ തീ ആളുന്ന കുംഭം വച്ച് നൃത്തം ചെയ്യുന്നതാണ് ഇതിന്റെ പ്രത്യേകത. ആളുകളെ ആകർഷിക്കുന്നതിനായി പഗഡി ബന്ധോ, മ്യൂസിക്കൽ ചെയർ തുടങ്ങിയ മത്സരങ്ങളും സംഘടിപ്പിക്കാറുണ്ട്.
ഹോൺബിൽ ഫെസ്റ്റിവൽ
നാഗാലൻഡിലെ കിസാമ ഗ്രാമത്തിൽ ഡിസംബർ 1 മുതൽ 10 വരെയാണ് ഈ ഫെസ്റ്റിവൽ നടക്കുന്നത്. ഇതിനെ ഫെസ്റ്റിവൽ ഓഫ് ഫെസ്റ്റിവൽ എന്നാണ് അറിയപ്പെടുന്നത്. ഇന്ത്യയിൽ നിന്നും വിദേശത്തു നിന്നും ഒട്ടനവധി കലാകാരന്മാരാണ് ഇതിൽ പങ്കെടുക്കാൻ എത്തുന്നത്. രണ്ട് പതിറ്റാണ്ടുകൾ പഴക്കമുള്ള ഈ ഉത്സവം ലോകമെമ്പാടുമുള്ള വിനോദസഞ്ചാരികളെ ആകർഷിക്കുന്നു.
ബെംഗളൂരു സാഹിത്യോത്സവം
യാത്ര ചെയ്യുമ്പോഴും ഒരു പുസ്‌കം കയ്യിൽ പിടിച്ച് യാത്ര ചെയ്യുന്ന പുസ്തകപ്പുഴുക്കളായ സുഹൃത്തുകൾ പോകേണ്ട സ്ഥമാണ് ഇടമാണ് ബെംഗളൂരുവിലെ സാഹിത്യോത്സവം. ഡിസംബർ 2,3 എന്നീ ദിവസങ്ങളിലാണ് ഇത് നടക്കുന്നത്.
ഡൽഹി ആർട്ട് വീക്ക്
ഡിസംബർ 10-ാം തീയതി വരെയാണ് ഡൽഹി ആർട്ട് വീക്ക് നടക്കുന്നത്. ലോധി റോഡ്, ഇന്ത്യാ ഗേറ്റ്, ഗ്രേറ്റർ കൈലാസ് തുടങ്ങി ഒട്ടേറെ കാര്യങ്ങൾ കാണാൻ നിങ്ങൾക്ക് ഇവിടെ അവസരം ഒരുക്കിയിരിക്കുന്നു.
