വളരെ ക്ഷമയോടു കൂടി പാചകം ചെയ്യേണ്ട ഒരു വിഭവമാണ് ചപ്പാത്തി. ഗോതമ്പ് ഉണക്കി പൊടിച്ച് ചപ്പാത്തിയുണ്ടാക്കിയ കാലമൊക്കെ മുത്തശ്ശിമാർ പറയുന്ന പഴങ്കഥകൾ പോലെയായിരിക്കുന്നു. കടകളിൽ നിന്നും ഗോതമ്പ് പൊടിയായി വാങ്ങാൻ കിട്ടിയപ്പോൾ ആളുകൾ അത് വാങ്ങി വീട്ടിൽ ചപ്പാത്തി ഉണ്ടാക്കി. എന്നാൽ തിരക്കിട്ട ജീവിതത്തിൽ അക്കാര്യവും മാറിയിരിക്കുന്നു. ഇപ്പോൾ പായ്‌ക്കറ്റുകളിൽ പാചകം ചെയ്തു വരുന്ന ചപ്പാത്തികൾക്കാണ് ആവശ്യക്കാർ ഏറെയും. എന്നാൽ എങ്ങനെയാണ് ഈ ചപ്പാത്തികൾ പാചകം ചെയ്ത് വരുന്നത് എന്ന് നിങ്ങൾ ചിന്തിച്ചിട്ടുണ്ടോ? ചാപ്പാത്തികൾ ഉണ്ടാക്കുന്നതിന്റെ ഒരു വീഡിയോയാണ് ഇപ്പോൾ സമൂഹ മാദ്ധ്യമങ്ങളിൽ വൈറലായിരിക്കുന്നത്.
മെഷീനുകളാണ് ചപ്പാത്തികൾ ഉണ്ടാക്കിയെടുക്കുന്നത്. വലിയ മെഷീനിൽ വെള്ളവും എണ്ണയും മാവും പാകത്തിന് ഇട്ടുകൊടുക്കാനാണ് ഒരാളുടെ ആവശ്യമുള്ളത്. മാവ് കുഴക്കുന്നതൊക്കെ മെഷീൻ തന്നെ. പിന്നീട് മാവ് വട്ടത്തിൽ പരത്തി മുറിച്ചെടുക്കുന്നതും ചുട്ടെടുക്കുന്നതും പായ്‌ക്കറ്റിലാക്കുന്നതുമെല്ലാം മെഷീനുകൾ തന്നെ ചെയ്യുന്നു. ഇതെല്ലാം ചെയ്യാൻ പ്രത്യേക മെഷീനുകളാണുള്ളത്. ആളുകൾക്ക് ഇതെല്ലാം കൃത്യമായാണോ ചെയ്യുന്നത് എന്നു നോക്കിയാൽ മാത്രം മതി. ചപ്പാത്തികൾ പാക്കറ്റുകളിലാക്കിയാൽ നേരെ വിപണികളിലേക്ക്.. അവിടെ നിന്നും അടുക്കളിലെ ചട്ടിയിലേക്കും. 2 മിനിറ്റിൽ പാചകം ചെയ്‌തെത്തിയ ചപ്പാത്തികൾ ചുട്ടെടുത്ത് കഴിക്കാം.
View this post on Instagram
“>
ചപ്പാത്തികൾ ഉണ്ടാക്കുന്നതിന്റെ വീഡിയോ സമൂഹമാദ്ധ്യമങ്ങളിൽ നിമിഷനേരം കൊണ്ട് നിരവധി ആളുകളാണ് കണ്ടത്. ചിലർക്ക് ഇത് വളരെ നല്ലതാണെന്നും സമയം ലാഭിക്കാൻ സാധിക്കുന്നുണ്ടെന്നുമായിരുന്നു അഭിപ്രായം. എന്നാൽ മറ്റു ചിലർക്ക് ഇത് ശരീരത്തിന് നല്ലതല്ലെന്നും വീട്ടിലുണ്ടാക്കുന്ന ചപ്പാത്തിയുടെ സ്വാദ് ഇല്ലെന്നുമായിരുന്നു അഭിപ്രായം.
