പേടകങ്ങളെ അയക്കാൻ മാത്രമല്ല, തിരികെ എത്തിക്കാനും ഭാരതത്തിന് കഴിയും! ‘സവിശേഷ പരീക്ഷണം’ വിജയകരമെന്ന് ഇസ്രോ; ഭാവിയിലേക്ക് ഒരു ചുവടുവെപ്പ് 

ചന്ദ്രന്റെ ഭ്രമണപഥത്തിലേക്ക് പേടകങ്ങളെ അയക്കാൻ മാത്രമല്ല, തിരികെ എത്തിക്കാനും കഴിയുമെന്ന് തെളിച്ച് ഭാരതം. ചന്ദ്രയാൻ-3 പ്രൊപ്പൽഷൻ മൊഡ്യൂൾ തിരിച്ചെത്തുന്നു. പ്രൊപ്പൽഷൻ മൊഡ്യൂൾ ചാന്ദ്ര ഭ്രമണപഥത്തിൽ നിന്ന് ഭൗമ ഭ്രമണപഥത്തിൽ പ്രവേശിച്ചതായി ഇസ്രോ അറിയിച്ചു. വിക്രം ലാൻഡറിലെ ഹോപ്പ് പരീക്ഷണം പോലെ മറ്റൊരു സവിശേഷ പരീക്ഷണമാണ് ഇതെന്നും ഇസ്രോ കൂട്ടിച്ചേർത്തു. ലാൻഡറിനെ ചന്ദ്രൻ വരെ എത്തിച്ചശേഷം പ്രൊപ്പൽഷൻ മൊഡ്യൂൾ അവിടെതന്നെ തുടരനായിരുന്നു നേരത്തെ തീരുമാനിച്ചിരുന്നത്.

ചന്ദ്രനിൽ മനുഷ്യരെയടക്കം ഇറക്കാനുള്ള ശ്രമങ്ങൾക്ക് ആക്കാം കൂട്ടുന്ന നിർണായക പരീക്ഷണമാണിത്. പോലോഡായ സ്പെക്ട്രോ-പോളറിമെട്രി ഓഫ് ഹാബിറ്റബിൾ പ്ലാനറ്റ് എർത്ത്- SHAPE ന്റെ പ്രവർത്തനം തുടരുന്നതിനായാണ് ചന്ദ്രന്റെ ഭ്രമണപഥത്തിൽ നിന്ന് ഭൂമിയുടെ ഭ്രമണപഥത്തിലേക്ക് മാറ്റാൻ തീരുമാനിച്ചത്.

പ്രൊപ്പൽഷൻ മൊഡ്യൂളിലെ മൂന്ന് പേലോഡുകൾ മൂന്ന് മാസം കൂടി പ്രവർത്തിപ്പിക്കാനായിരുന്നു ആദ്യ തീരുമാനം. എന്നാൽ തീരുമാനിച്ചിരുന്ന ദൗത്യങ്ങൾ പൂർത്തിയായപ്പോൾ പ്രൊപ്പൽഷൻ മൊ‍ഡ്യൂളിൽ 100 കിലോ ഇന്ധനം ബാക്കിയുണ്ടെന്ന് കണ്ടെത്തിയതോടെയാണ്  ഭാവിയിലെ ചന്ദ്രദൗത്യങ്ങളെ കുറിച്ച് കൂടുതൽ വിവരങ്ങൾ ശേഖരിക്കുന്നതിനായി പ്രൊപ്പൽഷൻ മൊഡ്യൂളിനെ തിരികെ എത്തിക്കാൻ തീരുമാനിച്ചത്.

Chandrayaan-3 Mission:

Ch-3’s Propulsion Module (PM) takes a successful detour!

In another unique experiment, the PM is brought from Lunar orbit to Earth’s orbit.

An orbit-raising maneuver and a Trans-Earth injection maneuver placed PM in an Earth-bound orbit.… pic.twitter.com/qGNBhXrwff

— ISRO (@isro) December 5, 2023

“>

Chandrayaan-3 Mission:

Ch-3’s Propulsion Module (PM) takes a successful detour!

In another unique experiment, the PM is brought from Lunar orbit to Earth’s orbit.

An orbit-raising maneuver and a Trans-Earth injection maneuver placed PM in an Earth-bound orbit.… pic.twitter.com/qGNBhXrwff

— ISRO (@isro) December 5, 2023

ബാക്കി വന്ന ഇന്ധനം ഉപയോ​ഗിച്ച് ഓക്ടോബർ ഒൻപതിന് ആദ്യമായി ഭ്രമണപഥം ഉയർത്തി. പിന്നീട് ഘട്ടം ഘട്ടമായി ഭ്രമണപഥം ഉയർത്തിയ ശേഷം ട്രാൻസ് എർത്ത് എൻജക്ഷൻ വഴി ഭൗമ ഭ്രമണപഥത്തിലെത്തിച്ചു. നിലവിൽ ഭൂമിയിൽ നിന്ന് 1.5 ലക്ഷം കിലോമീറ്റർ അകലെയുള്ള ഭ്രമണപഥത്തിലാണ് പ്രൊപ്പൽഷൻ മൊഡ്യൂൾ. ബെം​ഗളൂരുവിലെ യുആർ റാവു സാറ്റ്ലൈറ്റ് സെന്ററിൽ നിന്നാണ് പ്രൊപ്പൽഷൻ മൊഡ്യൂളിന്റെ മടക്കി കൊണ്ടുവരവ് നിർവഹിച്ചത്. കാലാവധിയും ഇന്ധനവും തീരുന്നതോടെ പ്രൊപ്പൽഷൻ മൊഡ്യൂൾ ചന്ദ്രനിൽ ഇടിച്ചിറക്കുന്നത് ഒഴിവാക്കാനായി എന്നതാണ് ഇതിലൂടെയുള്ള പ്രധാന നേട്ടം.