പൂനെ : മഹാരാഷ്ട്രയിലെ പൂനെ ജില്ലയിൽ മെഴുകുതിരി നിർമ്മാണ യൂണിറ്റിൽ ഉണ്ടായ തീപിടുത്തത്തിൽ ഏഴുപേർ മരിച്ചു. 8 പേർക്ക് പരിക്കേറ്റു. ഫയർഫോഴ്സ് സ്ഥലത്തെത്തി തീയണച്ചു.
പൂനയിലെ പിംബ്രി – ചിഞ്ചുവാദ് പ്രദേശത്താണ് ഫാക്ടറി സ്ഥിതി ചെയ്യുന്നത്. പിറന്നാൾ ആഘോഷങ്ങളിൽ സാധാരണയായി ഉപയോഗിക്കുന്ന തരം തിളങ്ങുന്ന മെഴുകുതിരികൾ ആണ് ഇവിടെ നിർമ്മിക്കുന്നത്. ഇന്ന് ഉച്ചയ്ക്ക് 2 .45 ഓടെയാണ് ഫാക്ടറിയിൽ തീപിടുത്തം ഉണ്ടായ വിവരം അഗ്നിശമനസേനയ്ക്ക് ലഭിച്ചത്. ഉടൻതന്നെ അവർ സ്ഥലത്തെത്തി തീ അണക്കാൻ തുടങ്ങിയതായി പിംബ്രി – ചിഞ്ചുവാദ് മുൻസിപ്പൽ കമ്മീഷണർ ശേഖർ സിംഗ് അറിയിച്ചു.
അപകടത്തിന്റെ കൃത്യമായ കാരണം അറിവായിട്ടില്ല. പരിക്കേറ്റവരെ പൂനെയിലെയും പിംബ്രി – ചിഞ്ചുവാദ് മേഖലയിലെ മറ്റ് ആശുപത്രികളിലേക്കും മാറ്റിയതായി അദ്ദേഹം പറഞ്ഞു