രാജ്യത്തെ വരിക്കാരുടെ എണ്ണത്തിൽ മുൻപന്തിയിലാണ് റിലയൻസ് ജിയോ. സാധാരണക്കാർക്ക് തിരഞ്ഞെടുക്കാവുന്ന നിരവധി പ്ലാനുകളാണ് ജിയോ നൽകുന്നത്. ഇതു തന്നെയാണ് ജിയോ വരിക്കാരുടെ എണ്ണത്തിൽ ദിനംപ്രതി വർദ്ധനവുണ്ടാക്കുന്നത്. പരമാവധി എല്ലാ ഉൾപ്രദേശങ്ങളിലും ജിയോ ഉപഭോക്താക്കൾക്ക് മികച്ച കവറേജ് നൽകാനും കമ്പനി പ്രത്യേക ശ്രദ്ധ പുലർത്താറുണ്ട്. സാധാരണക്കാരായ ഉപഭോക്താക്കൾക്ക് മറ്റൊരു മികച്ച വാലിഡിറ്റി പ്ലാനാണ് ഇപ്പോൾ ജിയോ നൽകുന്നത്. അറിയാം..
അൺലിമിറ്റഡ് 5G ഡാറ്റയും ദിനംപ്രതി 100 എസ്എംഎസും അൺലിമിറ്റഡ് വോയിസ് കോളും പ്രദാനം ചെയ്യുന്ന ഒരു കിടിലൻ പ്ലാനാണ് ജിയോ ഉപഭോക്താക്കൾക്കായി നൽകുന്നത്. 909 രൂപയുടെ പ്ലാനാണിത്. ദിവസവും 2GB ഡാറ്റയാണ് ഈ പ്ലാനിലൂടെ ഉപഭോക്താക്കൾക്ക് കിട്ടുക. 84 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഇതിനുപുറമെ 909 രൂപയുടെ ഈ പ്ലാനിൽ നിങ്ങൾക്ക് ഒടിടി പ്ലാറ്റ്‌ഫോമുകളായ സോണി ലൈവ്, സീ5, ജിയോ ടിവി, ജിയോ സിനിമ, ജിയോ ക്ലൗഡ് തുടങ്ങിയ പ്ലാറ്റ്‌ഫോമുകളുടെ സബ്‌സ്‌ക്രിപ്ഷനും ലഭിക്കുന്നതാണ്. അടുത്തിടെ ജിയോ എയർഫൈബറിനായി 401 രൂപയുടെ ഡാറ്റാ ബൂസ്റ്റർ പ്ലാനുകളും ജിയോ ഉപഭോക്താക്കൾക്ക് നൽകിയിരുന്നു. ഈ പ്ലാൻ നേടുന്നതിനായി ജിയോ എയർ ഫൈബറോ ജിയോ എയർ ഫൈബർ മാക്‌സ് പ്ലാനുകളോ ആവശ്യമാണ്.
