ദക്ഷിണാഫ്രിക്കയ്ക്കെതിരായ പരമ്പരയ്ക്ക് മുന്നോടിയിയായി ടീം ഇന്ത്യക്ക് ഉപദേശവുമായി ടി20 നായകൻ സൂര്യകുമാർ. ഇന്ന് നടക്കുന്ന മത്സരത്തിന് മുമ്പ് നടത്തിയ വാർത്താ സമ്മേളനത്തിലായിരുന്നു ക്യാപ്റ്റന്റെ പരാമർശം. ഇന്ത്യ ലോകകപ്പ് പരാജയം മറക്കേണ്ടതുണ്ട്. ഓസ്ട്രേലിയയ്ക്കെതിരായ ടി20 പരമ്പര വിജയം ടീമിന് വലിയ ഉത്തേജം നൽകിയിട്ടുണ്ടെന്നും സൂര്യ പറഞ്ഞു.
‘ലോകകപ്പ് ഫൈനലിലെ തോല്വി ഇന്ത്യന് ടീമിനെ ആഴത്തിൽ ബാധിച്ചിട്ടുണ്ട്. ലോകകപ്പിലെ തോല്വി നിരാശാജനകമായിരുന്നു, അതില് നിന്ന് മുന്നോട്ട് പോകുന്നത് ബുദ്ധിമുട്ടാണ്. എന്നാല് ഓസ്ട്രേലിയയ്ക്കെതിരായ പരമ്പര വിജയം വ്യത്യസ്തമായ ഫോര്മാറ്റിലായിരുന്നെങ്കിലും വലിയ ഉത്തേജനമായിരുന്നു.
ഓസ്ട്രേലിയയ്ക്കെതിരെ കളിക്കാര് ഭയരഹിതമായി കളിച്ചു. ദക്ഷിണാഫ്രിക്കയ്ക്കെതിരെയും അതുതന്നെയാണ് വേണ്ടത്. ഫ്രാഞ്ചൈസി ക്രിക്കറ്റില് അവര് ചെയ്യുന്നത് ഇന്ത്യക്കായും നിർവഹിക്കണമെന്ന് ഞാന് അവരോടു പറഞ്ഞു’- സൂര്യ പറയുന്നു.