എല്ലാവരുടെയും പ്രിയ പഴവർഗങ്ങളിലൊന്നാണ് പൈനാപ്പിൾ. കൈതച്ചക്ക എന്ന് നാം വിളിക്കുന്ന പൈനാപ്പിളിന് ഇഷ്ടക്കാർ ഏറെയുണ്ട്. മുള്ള് ചെത്തി എടുക്കാനുള്ള ബുദ്ധിമുട്ട് ഒഴിച്ചാൽ വളരെ സ്വാദിഷ്ടമായ പഴവർഗം. പൈനാപ്പിളിൽ അടങ്ങിയിരിക്കുന്ന വിറ്റാമിൻ സി കൊളാജൻ ഉത്പാദിപ്പിക്കാൻ സഹായിക്കുന്നു. വിറ്റാമിൻ സി,ബി, ഫോളേറ്റ് തുടങ്ങിയ ധാരാളം ധാതുക്കൾ അടങ്ങിയതാണ് പൈനാപ്പിൾ.
പൈനാപ്പിൾ കഴിക്കുന്നതിന്റെ വിവിധ ഗുണങ്ങൾ നോക്കാം…
1. രോഗപ്രതിരോധ ശേഷി വർദ്ധിപ്പിക്കുന്നു
പൈനാപ്പിളിൽ വൈറ്റമിൻ സി ധാരാളമായി അടങ്ങിയിട്ടുണ്ട്. ഇത് ശരീരത്തിന്റെ രോഗപ്രതിരോധ ശേഷി ശക്തിപ്പെടുത്തുന്നു. രോഗങ്ങൾ പിടിപ്പെടാനുള്ള സാധ്യത കുറയ്‌ക്കാനും ആരോഗ്യം മെച്ചപ്പെടുത്താനും ഇവ സഹായിക്കുന്നു.
2. ശരീരത്തിന് അവശ്യ പോഷകങ്ങൾ നൽകുന്നു
ആരോഗ്യം നിലനിർത്തുന്നതിന് സഹായിക്കുന്ന വിറ്റാമിൻ എ, കാത്സ്യം, പൊട്ടാസ്യം, മാംഗനീസ് എന്നിവയുൾപ്പെടെ നിരവധി ധാതുക്കൾ പൈനാപ്പിളിൽ അടങ്ങിയിട്ടുണ്ട്. അതിനാൽ ശരീരത്തിന് ആവശ്യമായ പോഷകഘടകങ്ങൾ ഉത്പാദിപ്പിക്കാൻ ഈ പഴവർഗം സഹായിക്കുന്നു.
3) ശരിയായ ദഹനം
പൈനാപ്പിളിൽ ബ്രോമെലൈൻ എന്ന എൻസൈം അടങ്ങിയിട്ടുള്ളതിനാൽ ശരിയായ ദഹനത്തിന് സഹായിക്കുന്നു. ഇത് ഭക്ഷണത്തിലൂടെ ശരീരത്തിലെത്തുന്ന പോഷക ഘടകങ്ങൾ പെട്ടെന്ന് ആഗീരണം ചെയ്യാൻ സഹായിക്കുന്നു.
4) കണ്ണിന്റെ ആരോഗ്യം വർദ്ധിപ്പിക്കുന്നു
കണ്ണിന്റെ ആരോഗ്യം വർദ്ധിപ്പിക്കാൻ അത്യുത്തമമാണ് പൈനാപ്പിൾ. പൈനാപ്പിളിൽ അടങ്ങിയിരിക്കുന്ന വിറ്റാമിൻ എ കാഴ്ച ശക്തി വർദ്ധിപ്പിക്കുകയും കണ്ണിന്റെ ആരോഗ്യം മെച്ചപ്പെടുത്തുകയും ചെയ്യും. ഇത് നേത്ര സംബന്ധമായ അസുഖങ്ങൾ തടയുന്നതിനും സഹായിക്കും.
5) ചർമ്മത്തിന്റെ ആരോഗ്യം മെച്ചപ്പെടുത്തുന്നു
പൈനാപ്പിളിൽ അടങ്ങിയിരിക്കുന്ന വിറ്റാമിൻ സി ചർമ്മത്തിന്റെ ആരോഗ്യം മെച്ചപ്പെടുത്തുന്നു. ഇത് ചർമ്മത്തിന്റെ ചുളിവുകൾ ഇല്ലാതാക്കുകയും ചർമ്മത്തിലെ ജലാംശം നിലനിർത്തുകയും ചെയ്യുന്നു.
