കുവൈറ്റ് അമീറിന്റെ നിര്യാണത്തിൽ അനുശോചനം രേഖപ്പെടുത്തി പ്രധാനമന്ത്രി; രാജ്യത്ത് ഇന്ന് ഔദ്യോ​ഗിക ദു:ഖാചരണം

ന്യൂഡൽഹി: കുവൈറ്റ് അമീർ ശൈഖ് നവാഫ് അൽ-അഹമ്മദ് അൽ-ജാബർ അൽ-സബാഹിന്റെ നിര്യാണത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. രാജകുടുംബത്തിനും നേതൃത്വത്തിനും ജനങ്ങൾക്കും അനുശോചനം അറിക്കുന്നതായി പ്രധാനമന്ത്രി എക്സിൽ കുറിച്ചു.

രാജ്യത്ത് ഇന്ന് ഔദ്യോ​ഗിക ദുഃഖാചരണം നടത്തുമെന്നും ആഭ്യന്തര മന്ത്രാലയം അറിയിച്ചു. ഇതിന്റെ ഭാ​ഗമായി എല്ലായിടത്തും ദേശീയ പതാക പകുതി താഴ്‌ത്തിക്കെട്ടും. സർക്കാർ ആഘോഷങ്ങൾ ഒഴിവാക്കി.

Deeply saddened to learn about the unfortunate demise of His Highness Sheikh Nawaf Al-Ahmed Al-Jaber Al-Sabah. We convey our deepest condolences to the Royal family, the leadership and the people of Kuwait.

— Narendra Modi (@narendramodi) December 16, 2023

“>

Deeply saddened to learn about the unfortunate demise of His Highness Sheikh Nawaf Al-Ahmed Al-Jaber Al-Sabah. We convey our deepest condolences to the Royal family, the leadership and the people of Kuwait.

— Narendra Modi (@narendramodi) December 16, 2023

ഭരണ രംഗത്ത് വിവിധ ചുമതലകളിൽ അര നൂറ്റാണ്ടിലധികം പരിചയ സമ്പത്തുള്ള ശൈഖ് നവാഫ് അൽ-അഹമ്മദ് അൽ-ജാബർ അൽ-സബാഹ് കുവൈത്തിന്റെ പതിനാറാം അമീറായി ചുമതലയിലിരിക്കെയാണ് വിടവാങ്ങിയത്. 86 വയസ്സായിരുന്നു. ആരോ​ഗ്യ പ്രശ്നങ്ങളെ തുടർന്ന് ചികിത്സയിൽ കഴിയുന്നതിനിടെയായിരുന്നു കുവൈറ്റ് അമീറിന്റെ വിയോ​ഗം.

25-ാം വയസിൽ ഹവല്ലി ഗവർണറായാണ് ഔദ്യോഗിക ജീവിതത്തിന്റെ തുടക്കം. 1962-ലും 1978-ലും ആഭ്യന്തരമന്ത്രിയായി. തുടർന്ന് പ്രതിരോധ മന്ത്രി പദത്തിൽ. 1994 ഒക്ടോബറില്‍ കുവൈത്ത് നാഷണൽ ഗാർഡിന്റെ ഡെപ്യൂട്ടി ചീഫായി ചുമതലയേറ്റ ഷെയ്ഖ് നവാഫ് 2003 വരെ ആ പദവി വഹിച്ചു. മൂന്ന് വർഷം പ്രധാനമന്ത്രി പദവിയിൽ. 2020-ലാണ് മുൻ അമീറിന്റെ നിര്യാണത്തെത്തുടർന്ന് രാജ്യത്തെ നയിക്കാൻ അമീർ പദവിയിലെത്തിയത്.