പരമ്പര വിജയത്തിന് പിന്നാലെ സെഞ്ച്വറിയുമായി തിളങ്ങിയ മലയാളി താരം സഞ്ജു സാംസണെ പ്രശംസിച്ച് നായകൻ കെ.എൽ രാഹുൽ. സമ്മാനദാന ചടങ്ങിനിടെയായിരുന്നു ക്യാപ്റ്റന്റെ പുകഴ്ത്തൽ. സഞ്ജു അസാമാന്യ താരമാണെന്നും അദ്ദേഹത്തിന് കൂടുതൽ അവസരങ്ങൾ ലഭിക്കാറില്ലെന്നും രാഹുൽ പറഞ്ഞു.
ഐപില്ലിൽ അദ്ദേഹമൊരു അസാമാന്യ കളിക്കാരനാണ്. നിർഭാഗ്യവശാൽ അദ്ദേഹത്തിന് അധികം അവസരങ്ങൾ ടോപ്പ് ഓർഡിൽ ലഭിക്കാറില്ല. അതിന് പലവിധ കാരണങ്ങളുണ്ട്. പക്ഷേ അദ്ദേഹം ഇന്ന് നന്നായി കളിച്ചത് കാണാനായതിൽ വളരെയധികം സന്തോഷമുണ്ട് – രാഹുൽ പറഞ്ഞു.
യുവതാരങ്ങൾക്കൊപ്പം സമയം ചെലവഴിക്കാൻ വളരെയധികം സന്തോഷമുണ്ട്. നിരാശജനകമായ ലോകകപ്പിന് ശേഷം ഏകദിന ക്രിക്കറ്റിലേക്ക് ഇത്തരത്തിൽ മടങ്ങിയെത്തിയതിൽ സന്തോഷമുണ്ട്. ഐപിഎല്ലിൽ ഞാൻ ഇവർക്കൊപ്പം ഏറെ കളിച്ചിട്ടുണ്ട്. ഇവരെല്ലാം മികച്ച താരങ്ങളാണ്- രാഹുൽ കൂട്ടിച്ചേർത്തു.