കോർബ ; പ്രലോഭനങ്ങൾക്ക് വഴങ്ങി മതം മാറിയ 101 കുടുംബങ്ങൾ തിരികെ സനാതനധർമ്മത്തിലേയ്‌ക്ക് . ഛത്തീസ്ഗഢിലെ കോർബ കത്ഘോരയിലെ 101 കുടുംബങ്ങളാണ് സനാതൻ ധർമ്മയിലേക്ക് മടങ്ങിയെത്തുന്നത് . വനവാസികൾക്ക് ആധിപത്യമുള്ള സംസ്ഥാനമാണ് ഛത്തീസ്ഗഢ് . അതിൽ തന്നെ മതപരിവർത്തനം വലിയൊരു പ്രശ്നമായ പ്രദേശമാണ് കത്ഘോര .
ഇവിടുത്തെ പിന്നോക്ക പ്രദേശങ്ങളിൽ നേരത്തെ തന്നെ ഇസ്ലാമിക, ക്രിസ്ത്യൻ മതപരിവർത്തനം നടന്നിരുന്നു, എന്നാൽ കഴിഞ്ഞ ഏതാനും വർഷങ്ങളായി മതപരിവർത്തനത്തിന്റെ വേഗത അതിവേഗം വർധിച്ചുവെന്ന് മാത്രമല്ല, നഗരങ്ങളിലും അത് അതിവേഗം വ്യാപിക്കുകയും ചെയ്തു. ഇത് തടയുന്നതിനുള്ള തുടർപ്രവർത്തനങ്ങൾ നടന്നുവരികയാണ്. മതപരിവർത്തന സംഭവങ്ങൾ തടയാൻ ജനങ്ങളെ ബോധവത്കരിക്കാനുള്ള ശ്രമങ്ങൾ നടക്കുന്നുണ്ട്. ഇതിനിടെയാണ് ഇത്തരം പ്രലോഭനങ്ങൾക്ക് വഴങ്ങി വർഷങ്ങൾക്ക് മുൻപ് മതം മാറിയ കുടുംബങ്ങൾ മടങ്ങിയെത്തിയത് .
നിലവിൽ സംസ്ഥാനത്ത് 17 ഹൈന്ദവ സംഘടനകൾ പ്രവർത്തിക്കുന്നുണ്ട് . അവ മതപരിവർത്തനത്തിൽ നിന്ന് ജനങ്ങളെ രക്ഷിക്കാൻ നിരന്തരം അവബോധം സൃഷ്ടിക്കുന്നുണ്ട് . കോർബയിൽ ഇത്രയും വലിയ തോതിൽ ആളുകൾ സനാതന ധർമ്മത്തിലേക്ക് മടങ്ങുന്നത് ഇതാദ്യമാണ് . ഹവനം അടക്കമുള്ള ചടങ്ങുകൾ നടത്തിയാണ് ഈ കുടുംബങ്ങൾ സനാതനധർമ്മത്തിലേയ്‌ക്ക് മടങ്ങിയെത്തുക.
