തിരുവനന്തപുരം: സംസ്ഥാനത്ത് സ്വർണവില തുടർച്ചയായ രണ്ടാം ദിനവും മാറ്റമില്ലാതെ തുടരുന്നു. വിപണിയിൽ ഒരു പവൻ സ്വർണത്തിന്റെ ഇന്നത്തെ നിരക്ക് 46,560 രൂപയാണ്. ഒരു ഗ്രാം സ്വർണത്തിന്റെ വിപണി വില 5,820 രൂപയുമാണ് രേഖപ്പെടുത്തിയിരിക്കുന്നത്. ഞായറാഴ്ചയും ശനിയാഴ്ചയും ഇതേ നിരക്ക് തന്നെയായിരുന്നു സ്വർണത്തിന് ഈടാക്കിയിരുന്നത്.
അതേസമയം കഴിഞ്ഞ ഒരാഴ്ചയിലേറെയായി സ്വർണവില എല്ലാ ദിവസവും ഉയരുകയായിരുന്നു.രാജ്യാന്തര വിപണിവിലയിലെ വ്യത്യാസങ്ങളാണ് കേരളത്തിലും പ്രതിഫലിച്ചിരിക്കുന്നത്. ക്രിസ്മസ് അവധി കഴിഞ്ഞ് വിപണി സജീവമാകുമ്പോൾ സ്വർണവില വീണ്ടും ഉയരുമെന്നാണ് കരുതുന്നത്.
വെള്ളിയുടെ വിലയിൽ നേരിയ വർദ്ധനവ് രേഖപ്പെടുത്തി. ഇന്ന് ഒരു ഗ്രാം സാധാരണ വെള്ളിയുടെ വില 80.70 രൂപയാണ്. ഒരു പവൻ വെള്ളിയുടെ വില 645.60 രൂപയാണ്.ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
