പുതു വർഷത്തിൽ പുതിയ പ്രമേയവുമായി താൻ എത്തുന്നുവെന്ന് കാളിദാസ് ജയറാം. പ്രശസ്തമായ ഒരു പ്രൊഡക്ഷൻ കമ്പനിയുടെ ഏറ്റവും പുതിയ ബിഗ് ബജറ്റ് ചിത്രത്തിൽ കാളിദാസും ഉണ്ടാകും. താരം കരാറിൽ ഒപ്പുവച്ചിരിക്കുകയാണ്. എന്നാൽ പ്രൊജക്റ്റിനെ കുറിച്ചുള്ള വിവരങ്ങൾ ഒന്നും തന്നെ കാളിദാസ് പുറത്ത് വിട്ടിട്ടില്ല. ഉടൻ തന്നെ പ്രൊഡക്ഷൻ ഹൗസ് ഔദ്യോഗിക പ്രഖ്യാപനം നടത്തുമെന്ന് താരം അറിയിച്ചിട്ടുണ്ട്.
‘ പുതുവർഷം, പുതിയ പ്രമേയം!
വിലമതിക്കാനാകാത്ത അനുഭവങ്ങൾ സമ്മാനിച്ച, ഒരു അഭിനേതാവായി എന്നെ വളർത്തിയ എല്ലാ സിനിമകൾക്കും.. ഫിലിം മേക്കർക്കും… കഥാപാത്രത്തിനും നന്ദി പറയാൻ ഈ അവസരം വിനിയോഗിക്കുന്നു.
ഏറ്റവും പ്രധാനമായി, വെല്ലുവിളി നിറഞ്ഞതും വ്യത്യസ്തവുമായ എന്തെങ്കിലും ചെയ്യുന്നത് തുടരാൻ എന്നെ പ്രേരിപ്പിച്ച എന്റെ പ്രേക്ഷകർക്ക് നന്ദി പറയുന്നു.
ഒരു സുപ്രധാന പ്രഖ്യാപനത്തോടെ ഈ വർഷം ആരംഭിക്കുന്നതിൽ ഞാൻ ആവേശത്തിലാണ്. പ്രശസ്തമായ ഒരു പ്രൊഡക്ഷൻ കമ്പനി നിർമ്മിക്കുന്ന ബിഗ് ബജറ്റ് ചിത്രത്തിൽ ഞാൻ ഒപ്പുവെച്ചിട്ടുണ്ട്. ഈ പ്രൊജക്റ്റിൽ ഞാൻ വളരെ ആവേശത്തിലാണ്, ബന്ധപ്പെട്ട പ്രൊഡക്ഷൻ ഹൗസ് ഉടൻ തന്നെ ചിത്രവുമായി ബന്ധപ്പെട്ട ഔദ്യോഗിക പ്രഖ്യാപനം നടത്തും.’
സമൂഹമാദ്ധ്യമമായ ഇൻസ്റ്റാഗ്രാം വഴിയാണ് താരം പുതിയ പ്രഖ്യാപനം നടത്തിയിരിക്കുന്നത്. വിനിൽ സ്കറിയ വർഗീസ് സംവിധാനം ചെയ്ത രജനി എന്ന ചിത്രത്തിലാണ് കാളിദാസിന്റെ അവസാനമായി പുറത്തിറങ്ങിയ ചിത്രം. ആക്ഷൻ ക്രൈം ത്രില്ലറിൽ പെടുന്ന ചിത്രത്തിന് പ്രേക്ഷകർക്കിടയിൽ മികച്ച സ്വീകാര്യതയാണ് ലഭിച്ചത്.